விடாமுயற்சியின் Lifetime Record-ஐ 3 நாளில் முறியடித்த GBU

ஆதிக் ரவிச்சந்திரன் இயக்கத்தில் நடிகர் அஜித் குமார் நடித்துள்ள 'குட் பேட் அக்லி' உலகம் முழுவதும் திரையரங்குகளில் வெளியாகி அஜித் ரசிகர்கள் படத்தை கொண்டாடி வருகின்றனர்.

இதனிடையே, அஜித்துடன் நடித்தது குறித்து அவருடன் பணியாற்றிய நடிகர்கள் தங்களது அனுபவங்களை பகிர்ந்து வருகின்றனர். அஜித்துடன் மீண்டும் பணியாற்ற விரும்புவதாக நடிகர் அர்ஜுன் தாஸ் தெரிவித்து இருந்தார். மேலும் படத்தில் நடித்த அனுபவத்தை நடிகர் பிரசன்னா, சிம்ரன், பிரியா வாரியர் பகிர்ந்தனர்.

திரைப்படத்தில் அஜித்தின் பழைய படங்களின் ரெஃபெரன்ஸ் காட்சிகள் இடம் பெற்றுள்ளது கூடுதல் சிறப்பாக அமைந்துள்ளது. சிம்ரன் பங்கு பெறும் காட்சி திரையரங்கில் ரசிகர்களுக்கு விருந்தாக அமைந்துள்ளது.

குட் பேட் அக்லி திரைப்படம் தமிழ்நாட்டில் மட்டும் முதல் நாள் வசூலாக 30 கோடி ரூபாயை கடந்தது. இந்நிலையில், இத்திரைப்படம் வெளியான 3 நாட்களில் ரூ. 100 கோடி வசூலை கடந்ததாக தகவல் வெளியாகியுள்ளது.

புக் மை ஷோ தளத்தில் டிக்கெட் முன்பதிவுகள் வேகமாக நடைப்பெற்று வருகிறது. இன்று சென்னையில் பெரும்பாலான திரையரங்குகளில் ஹவுஸ் ஃபுல் காட்சிகள் ஓடிக்கொண்டு இருக்கிறது. புக் மை ஷோ தளத்தில் விடாமுயற்சி திரைப்படத்திற்கு புக் செய்த ஒட்டுமொத்த டிக்கெட் எண்ணிக்கையை வெறும் மூன்றே நாட்களில் குட் பேட் அக்லி திரைப்படம் முறியடித்துள்ளது.