ஜீத்து ஜோசப் இயக்கத்தில் மோகன்லால், மீனா மற்றும் பலர் நடிக்க 2013ம் ஆண்டு மலையாளத்தில் வெளிவந்து பெரும் வெற்றியையும், வசூலையும் குவித்த படம் 'திரிஷ்யம்'. இப்படம் தமிழ், தெலுங்கு, இந்தி, கன்னடம், உள்ளிட்ட மொழிகளில் ரீமேக் ஆனது. இப்படத்தின் இரண்டாம் பாகம் கடந்த மாதம் பூஜையுடன் கொச்சியில் ஆரம்பமானது.
மோகன்லால், அவரது மனைவியாக மீனா, மகள்களாக ஹன்சிபா ஹாசன், எஸ்தர் அலி ஆகியோர் முதல் பாகத்தில் நடித்தனர். இரண்டாம் பாகத்திலும் அவர்களே நடிக்கிறார்கள். கேபிள் டிவி ஆபரேட்டர் ஜார்ஜ் குட்டி ஆக மோகன்லால், அவரது மனைவி ராணி ஜார்ஜ் ஆக மீனா இரண்டாம் பாகத்திலும் அதே கதாபாத்திரங்களில் நடிக்கிறார்கள்.
'திரிஷ்யம் 2'வின் ஜார்ஜ் குட்டி குடும்பப் புகைப்படத்தை மோகன்லால் சில தினங்களுக்கு முன்பாக வெளியிட்டார். அது ரசிகர்களிடம் வரவேற்பு பெற்றது. தற்போது படப்பிடிப்பில் மோகன்லால், மீனா மற்றும் மகள்களாக நடிப்பவர்களுடன் லூடோ கேம் விளையாடும் புகைப்படம் ஒன்று வெளியாகி சமூக வலைத்தளத்தில் வைரலாகி வருகிறது.
