search icon
என் மலர்tooltip icon

    சினிமா

    ரஜினி ரசிகர்கள் வெளியிட்ட காமன் டிபி
    X
    ரஜினி ரசிகர்கள் வெளியிட்ட காமன் டிபி

    சினிமாவில் 45 ஆண்டுகள்.... பிரபலங்களின் வாழ்த்து மழையில் ரஜினி

    சினிமாவில் 45 ஆண்டுகள் நிறைவு செய்த நடிகர் ரஜினிகாந்துக்கு பிரபலங்கள் பலரும் வாழ்த்து தெரிவித்து வருகின்றனர்.
    ரஜினிகாந்த் திரையுலகுக்கு வந்து 45 ஆண்டுகள் நிறைவடைவதையொட்டி சமூக வலைத்தளத்தில் பிரபலங்கள் வாழ்த்து தெரிவித்து வருகிறார்கள்.

    கவிஞர் வைரமுத்து தனது டுவிட்டர் பக்கத்தில், “நகலெடுக்க முடியாத உடல்மொழி. சூரிய சுறுசுறுப்பு. கிழவி குழவியென வசப்படுத்தும் வசீகரம். 45 ஆண்டுகளாய் மக்கள் வைத்த உயரத்தைத் தக்க வைத்த தந்திரம். இரண்டுமணி நேரத் தனிமைப்பேச்சிலும் அரசியலுக்குப் பிடி கொடுக்காத பிடிவாதம். இவையெல்லாம் ரஜினி; வியப்பின் கலைக்குறியீடு” என்று கூறியுள்ளார்.

    நடிகர் மோகன்லால் வெளியிட்டுள்ள பதிவில், “5 பத்தாண்டு சாதனைகள். 45 வருடங்கள். இந்திய சினிமாவின் ஒரு அடையாளம். ரஜினிகாந்த் இந்திய சினிமாவுக்கு கொடுத்துள்ள பங்களிப்பு அளப்பரியது வாழ்த்துக்கள்” என்று கூறியுள்ளார்.

    பிரபலங்கள்

    நடிகர் பிரிதிவிராஜ், “சினிமாவில் 45 ஆண்டுகள். தமிழ் சினிமாவுக்கு மட்டுமன்றி இந்திய சினிமாவுக்கே ரஜினி ஒரு அடையாளம்” என்று கூறியுள்ளார்.

    நடிகர் விவேக், “45 வருட கலைப்பயணம் !! எவ்வளவு அனுபவங்கள் ! சாதனைகள்! சோதனைகள்! படிப்பினைகள் !! நீங்கள் ஒரு அசாத்தியம் ரஜினி சார்” என தெரிவித்துள்ளார்.

    இயக்குனர் விக்னேஷ் சிவன், “என்றுமே ராஜா நீ ரஜினி, கடவுள் ஆசிர்வாததுடன் இன்னும் பல ஆண்டுகளுக்கு நல்ல உடல் நலத்துடனும், எப்போதும் புகழுடனும் வாழ வாழ்த்துகிறேன் தலைவா” என பதிவிட்டுள்ளார்.
    Next Story
    ×