சில நாட்களுக்கு முன்னர் சமந்தா மற்றும் பூஜா ஹெக்டே ஆகிய இருவருக்கும் பனிப்போர் நடந்தது. சமந்தா குறித்து சர்ச்சைக்குரிய வகையில் பூஜா ஹெக்டே தனது சமூக வலைத்தளத்தில் ஒரு பதிவு போட்டிருந்தார். இது பலருக்கும் அதிர்ச்சியை ஏற்படுத்திய நிலையில் திடீரென தனது சமூக வலைத்தள கணக்கு ஹேக் செய்யப்பட்டு விட்டதாகவும் தனது சமூக வலைத்தள கணக்கை மீட்க நடவடிக்கை எடுத்து வருவதாகவும் பூஜா விளக்கம் அளித்தார்.
ஆனால் இந்த விளக்கத்தை ஏற்றுக் கொள்ளாத சமந்தாவின் ரசிகர்கள் பூஜாவை கடுமையாக விமர்சனம் செய்தனர். பூஜாவின் ரசிகர்களும் இதற்கு பதிலடி கொடுத்தனர்.
இந்த நிலையில் தற்போது சமந்தாவை பூஜா ஹெக்டே ஓவர்டேக் செய்துள்ளார். இன்ஸ்டாகிராமில் பூஜா ஹெக்டேவுக்கு பின் தொடர்பவர்களின் எண்ணிக்கை 11 மில்லியன்களை எட்டியுள்ளது. பூஜாவின் போட்டியாளரான சமந்தாவுக்கு 10.8 மில்லியன் உள்ளது. இதனால் சமந்தாவை பூஜா ஹெக்டே ஓவர்டேக் செய்துவிட்டதாக பூஜாவின் ரசிகர்கள் கொண்டாடி வருகின்றனர்.
