அட்லீ இயக்கத்தில் விஜய் நடிப்பில் உருவாகி உள்ள படம் ‘பிகில்’. இதில் விஜய் அப்பா - மகன் என இரட்டை வேடங்களில் நடிக்கிறார். பெண்கள் கால்பந்து அணியின் பயிற்சியாளராக விஜய் நடிக்கிறார். இவருக்கு ஜோடியாக நயன்தாரா நடித்துள்ளார். ரெபா மோனிகா ஜான், இந்துஜா ஆகியோர் கால்பந்து வீராங்கனைகளாக நடித்துள்ளனர்.
நேற்று இரவு 10 மணிக்கு ‘சிங்கப்பெண்ணே’ என்ற பாடல் வெளியானது. பாடலாசிரியர் விவேக் எழுதியுள்ள இப்பாடலுக்கு ஏ.ஆர்.ரகுமான் இசையமைத்து பாடியிருந்தார். பெண்களை போற்றும் விதத்தில் உருவாக்கப்பட்ட இந்த பாடல் ரசிகர்களிடையே வரவேற்பு பெற்று வைரலானது.
தற்போது இந்த பாடல் புதிய சாதனை ஒன்றை படைத்துள்ளது. இதுவரை வெளியான பாடல் வரி வீடியோவில் சிங்கப்பெண்ணே பாடல், 17 மணி நேரத்தில் 5 லட்சம் லைக்குகளை பெற்று சாதனை படைத்துள்ளது. இதற்குமுன் அஜித்தின் விஸ்வாசம் படத்தில் இடம்பெற்ற ‘அடிச்சு தூக்கு...’ என்ற பாடல் 23 மணி நேரத்திலும், விஜய்யின் ‘சர்கார்’ படத்தில் இடம்பெற்ற ‘சிம்டாங்காரன்’ என்ற பாடல் 25 மணி நேரத்திலும் 5 லட்சம் லைக்குகளை பெற்றுள்ளது.
