மதன் வலையில் வர்ஷா வீழ்ந்தது சுவாரஷ்யமானது. திருப்பூரில் நவநாகரீகத்தை விரும்பும் பெண்களுக்கு எஸ்.ஏ.பி. தியேட்டர் அருகே உள்ள ‘வீஸ்போட்டிக்’ என்ற நாகரீக ரெடிமேட் கடையை தெரியாமல் இருக்காது. அதுதான் வர்ஷா நடத்தி வரும் கடை. இந்த கடையில் நான்கைந்து பெண்கள் வேலை பார்க்கிறார்கள்.

வர்ஷாவுக்கு மிகவும் பிடித்தமானது ஆடை வடிவமைப்பு. செல்வ செழிப்பான தொழிலதிபர் குடும்பத்தில் பிறந்த வர்ஷா பள்ளிப் படிப்பை தாராபுரம் ரோட்டில் உள்ள தனியார் பள்ளியில் முடித்தார். பின்னர் பே‌ஷன் டிசைனிங் பட்டப்படிப்பை முடித்தார்.

35 வயதாகும் வர்ஷாவுக்கு திருமணமாகி விட்டது. ஸ்ரீராம் (16), தருண் (7) என்ற இரு மகன்கள் இருக்கிறார்கள்.பே‌ஷன் டிசைனிங் தொழிலில் இறங்கிய வர்ஷா நடிகைகளுக்கு ஆடை வடிவமைத்தும் கொடுத்தார். திரை உலக தொடர்பு ஏற்பட்டதும் வீட்டுக்குள் பிரச்சினை எழுந்தது. கணவருடன் ஏற்பட்ட கருத்து வேறுபாடு நிரந்தர பிரிவுக்கு வழிவகுத்தது.

6 ஆண்டுகளுக்கு முன்பு கணவரை பிரிந்த வர்ஷா தனது குழந்தைகளுடன் தனிக்குடித்தனத்தை தொடங்கினார். அவினாசியில் ஒரு அடுக்குமாடி குடியிருப்பில் குடியிருந்தபோது துணை நடிகைகள் போல் அழகிய பெண்கள் பலர் வந்து போனார்கள். இதனால் குடியிருப்பு வாசிகள் துரத்தினார்கள்.

அங்கிருந்து வெளியேறிய வர்ஷா தற்போது குடியிருக்கும் பூண்டி அருகில் உள்ள ஜி.வி.கார்டன் பங்களா வீட்டுக்கு கடந்த 9 மாதங்களுக்கு முன்பு குடிவந்தார்.

கீழ்தளத்தில் இரண்டு படுக்கையறை, மிகப்பெரிய ஹால், சாப்பாட்டு அறை, மேல்தளத்தில் இரண்டு அறை, சுற்றிலும் தோட்டத்துடன் பிரமாண்டமாக இருக்கும் இந்த வீட்டுக்கு மாதம் ரூ.25 ஆயிரம் வாடகை கொடுத்து வருகிறார்.

சினிமா துறையினருடன் தொடர்பு ஏற்பட்ட போதுதான் வர்ஷாவுக்கும் மதனுக்கும் பழக்கம் ஏற்பட்டுள்ளது. வர்ஷாவுக்கு சினிமாவில் நடிக்கும் ஆசையும் இருந்துள்ளது. இதனால் பட தயாரிப்பாளரான மதனிடம் நெருங்கி பழகி வந்தார். மதனும் வாய்ப்பு வாங்கி தருவதாக கூறியதாக கூறப்படுகிறது. இதனால் அவர்களிடையே நெருக்கம் அதிகரித்தது.

அடுக்குமாடி குடியிருப்புகளில் குடியிருந்தால்தான் பிரச்சினை வருகிறது என்பதால் இந்த தனிவீட்டை தேர்வு செய்துள்ளார். இந்த பகுதியில் சுமார் 15 பங்களா வீடுகள் உள்ளன. ஆள் அரவமற்ற இந்த பகுதி வர்ஷாவின் தனி வாழ்க்கைக்கு வசதியாக இருந்துள்ளது.

மதனுடன் நெருங்கிய தொடர்பில் இருந்த வர்ஷாவை சந்திக்க அடிக்கடி மதன் சென்றுள்ளார். தான் பிரச்சினையில் சிக்கி இருப்பதையும், போலீஸ் மோப்பம் பிடித்து வடமாநிலங்களிலும் தேடி வந்ததையும் தெரிவித்து வர்ஷா வீட்டில் தலைமறைவு வாழ்க்கையை தொடங்கி இருக்கிறார்.

பகல் நேரங்களில் மதன் வெளியே வருவதில்லை. அவர் வெளியே சுற்றுவதற்காக விலை உயர்ந்த மோட்டார் சைக்கிளும் வாங்கி இருக்கிறார்கள். இரவு 7 மணிக்கு மேல் அந்த மோட்டார் சைக்கிளில் ஹெல்மெட் அணிந்தபடி வெளியே செல்வாராம்.. மீண்டும் நள்ளிரவுதான் வீடு திரும்புவாராம்.

வர்ஷா வீட்டில் விலை உயர்ந்த 2 சொகுசு கார்கள் உள்ளன. மதன் அங்கு தலைமறைவாக இருந்தபோது அந்த காரில் அடிக்கடி கோவைக்கும் சென்று வந்ததாக கூறப்படுகிறது. அப்போது காரை வர்ஷாதான் ஓட்டி செல்வாராம். கோவைக்கு எங்கு சென்றார்கள்? எதற்காக சென்றார்கள்? என்பது பற்றியும் விசாரணை நடக்கிறது.

மதனை வீட்டுக்குள் மடக்கியதும் வர்ஷா நடுங்கி போனார். கடந்த 3 நாட்களாக கடையும் திறக்கவில்லை. வீட்டுக்குள்ளேயே முடங்கி இருக்கிறார். இன்று பத்திரிகையாளர்கள் பலர் அந்த வீட்டின் முன்பு கூடியிருந்தார்கள். ஆனால் வர்ஷா வெளியே தலைகாட்டவில்லை.

அங்கு வந்த வர்ஷாவின் கார் டிரைவர் ‘அக்கா வீட்டில்தான் இருக்காங்க. என்ன விசயமா கூடி இருக்கீங்க?’ என்று அப்பாவித்தனமாக கேட்டு சென்றார்.

தென்இந்திய நடிகர் சங்க பொதுக்குழு வருகிற 27- ந் தேதி சென்னை லயோலா கல்லூரியில் நடை பெறும் என்று அறிவிக்கப்பட்டுள்ளது. இதற்கு சிலர் எதிர்ப்பு தெரிவித்து வருகிறார்கள். பொதுக் குழுவுக்கு தடைவிதிக்க கோரி கோர்ட்டிலும் வழக்கு தொடரப்பட்டுள்ளது.

சங்க விதிகளுக்கு எதிராக இது நடத்தப்படுவதால் தடைவிதிக்க வேண்டும் என்று இது தொடர்பாக தாக்கல் செய்யப்பட்டுள்ள மனுவில் கூறப்பட்டுள்ளது. இதையடுத்து, இதற்கு வருகிற 25-ந் தேதிக்குள் பதில் அளிக்கும்படி தென் இந்திய நடிகர் சங்க பொது செயலாளர் விஷாலுக்கு கோர்ட்டு நோட்டீசு அனுப்ப உத்தரவிட்டுள்ளது.

இந்த நிலையில் தென் இந்திய நடிகர்சங்க பொருளாளர் கார்த்தி, துணை தலைவர் பொன்வண்ணன் ஆகியோர் இன்று சென்னை போலீஸ் கமி‌ஷனர் அலுவலகத்தில் ஒருமனு கொடுத்தனர்.

அதில், ‘27-ந் தேதி நடைபெற இருக்கும் தென் இந்திய நடிகர்கள் சங்க பொதுக்குழு கூட்டத்துக்கு தகுந்த பாதுகாப்பு வழங்க வேண்டும்’ என்று குறிப்பிட்டுள்ளனர். மனு கொடுத்தபிறகு நிருபர்களிடம் கூறிய கார்த்தி, தகுந்த பாதுகாப்பு அளிப்பதாக போலீசார் உறுதி அளித்துள்ளனர் என்று தெரிவித்தார்..

‘2.0’ படத்தின் முதல் போஸ்டர் வெளியீட்டு விழா மும்பையில் நவீன தொழில்நுட்பத்துடன் கோலாகலமாக நடந்தது. தொகுப்பாளர் அழைப்பை ஏற்று மேடைக்கு ரஜினி வந்தார். சிறிது நேரத்தில் அரங்கின் நடுவில் ஒரு ஷோபாவில் எந்திரன் சிட்டி வேடத்தில் இன்னொரு ரஜினி கால்மேல் கால் போட்டபடி ஸ்டைலாக உட்கார்ந்து இருந்தார். இப்போது மேடையில் ரஜினி இல்லை.

இந்த காட்சியை இயக்குனர் ‌ஷங்கர் ஏற்கனவே படமாக்கி, ‘ஹோலோகிராம்‘ செய்து நவீன தொழில்நுட்பத்தில் உருவாக்கி இருந்தார். நிகழ்ச்சி தொகுப்பாளர் கரண் ஜோஹர் கேள்வி கேட்க அதற்கு ரோபோ சிட்டி ரஜினி பதில் அளித்தார்.

இவ்வளவு வேகமாக எப்படி அரங்கத்தின் நடுவில் வந்தீர்கள் என்று கரண் ஜோஹர் கேட்க, அதற்கு சிட்டி ரஜினி, ‘கண்ணா நான் எப்போ வருவேன் எப்படி வருவேன்னு யாருக்கும் தெரியாது. ஆனா வர வேண்டிய நேரத்துல கரெக்டா வருவேன்’ என்று சொல்ல. தமிழ் தெரியாத தொகுப்பாளர் விழிக்க, உடனே சிட்டி ரஜினி இந்தியில் அதை சொன்னதும், அரங்கமே கர ஒலியில் அதிர்ந்தது.

இது போல் தொடர்ந்து பதில் அளித்த அவரிடம் பாலிவுட்டின் ‘கிங்’ யார் என்று கேட்ட போது ‘மிஸ்டர் அமிதாபச்சன்’ என்று பதில் அளித்தார்.

நிகழ்ச்சி முடிந்த பிறகு ரஜினியிடம் செய்தியாளர்கள், உங்கள் திரைப்படம் வெளியாகும் நாள் மட்டும் எப்படி தீபாவளி, புத்தாண்டு போல மாறி விடுகிறது? என்று கேட்க அதற்கு பதில் அளித்த ரஜினி, “ரசிகர்கள் தான் இதற்கு காரணம். அவர்கள்தான் எனது ஒவ்வொரு படவெளியீட்டையும் தீபாவளி போல மாற்றுகிறார்கள். அவர்கள் இல்லாமல் நான் இந்த நிலைக்கு வந்திருக்க முடியாது” என்று கூறினார்.

வித்யாபாலன் சில வருடங்களுக்கு முன்பு தொழில் அதிபரும் சினிமா தயாரிப்பாளருமான சித்தார்த்ராய் கபூரை காதலித்து திருமணம் செய்து கொண்டார்.

அதன்பிறகு கணவன்- மனைவி எங்கும் ஜோடியாக செல்வது இல்லை. இதனால் இருவரும் விவாகரத்து செய்யும் முடிவில் இருக்கிறார்கள் என்று செய்தி பரவியது.

இதற்கு பதில் அளித்துள்ள வித்யாபாலன், “எங்களுக்குள் இருக்கும் அன்பை நாங்கள் ஒருவருக்கொருவர் வெளிப்படுத்திக் கொண்டால் போதும். விழாக்களில் இடுப்பில் கையோட்டு ஜோடியாக நடந்து அதை செல்பி எடுத்து வெளி உலகுக்கு காட்ட வேண்டிய அவசியம் இல்லை.

நான் நடிகை. நடிப்பில் கவனம் செலுத்துகிறேன். அவர் தொழில் அதிபர். அதில் அக்கறை கட்டுகிறார். கணவன்-மனைவி என்பது எங்களுக்குள் இருக்கட்டும்” என்று கோபத்துடன் கூறி இருக்கிறார்.