நடிகர் தனுஷ் தங்கள் மகன் என்று மேலூரை சேர்ந்த கதிரேசன்-மீனாட்சி தம்பதியினர் வழக்கு தொடர்ந்து இருந்தனர். எங்கள் மகன் கலைச்செல்வன் தான் நடிகர் தனுஷ். பள்ளியில் படித்துக் கொண்டிருந்தபோது திடீர் என்று மாயம் ஆகிவிட்டார். தற்போது சினிமாவில் நடித்து வருகிறார். எங்களுக்கு வயதாகிவிட்டது. எனவே, எங்களுக்கு மாதாந்திர பராமரிப்பு தொகையாக ரூ. 65 ஆயிரம் வழங்க தனுசுக்கு உத்தரவிட வேண்டும் என்று கூறி இருந்தனர்.

இந்த வழக்கு மேலூர் கோர்ட்டில் நிலுவையில் உள்ள நிலையில், நடிகர் தனுஷ் தரப்பில் மதுரை ஐகோர்ட்டு கிளையில் ஒரு மனு தாக்கல் செய்யப்பட்டது. அந்த மனுவில், கதிரேசன்-மீனாட்சி தாக்கல் செய்துள்ள மனு பொய்யானது. எனவே, இந்த வழக்கை ரத்து செய்ய உத்தரவிட வேண்டும் என்று கூறப்பட்டிருந்தது.

விவாதத்தின் போது மேலூர் தம்பதியர் சார்பில் ஆஜர் ஆன வக்கீல், கதிரேசன், மீனாட்சி தம்பதியர் டி.என்.ஏ பரிசோதனைக்கு தயாராக உள்ளனர். இதுகுறித்து ஏற்கனவே தாக்கல் செய்த மனுவில் குறிப்பிடப்பட்டுள்ளது என்று கூறினார்.

இதற்கு எதிர்ப்பு தெரிவித்த தனுஷ் தரப்பு வக்கீல், ‘மேலூர் தம்பதியர் தாக்கல் செய்துள்ள மனுவில் எந்தவித உண்மையும் இல்லை. எனவே டி.என்.ஏ. பரிசோதனை செய்ய வேண்டிய அவசியம் இல்லை. அவ்வாறு பரிசோதனை செய்வது தனுசின் தனித்தன்மையையும் சுதந்திரத்தையும் பாதிக்கும் என்று வாதாடினார்.

தனுஷ் யாருடைய மகன் என்பதை அறிய அவரது பள்ளி சான்றிதழ், அங்க அடையாளங்கள் தொடர்பான அறிக்கை தாக்கல் செய்யப்பட்டிருந்தன. இது தவறானது என்று தம்பதியர் தரப்பு வக்கீல் வாதாடினார் டி.என்.ஏ. பரிசோதனைக்கு தயாராக இருக்கிறோம் என்றும் கூறினார். இதற்கு தனுஷ் தரப்பு வக்கீல் எதிர்ப்பு தெரிவித்தார். தம்பதியர் தரப்பில் கூறப்படும் ஆதாரங்கள் சரியானவை அல்ல என்றும் தெரிவித்தார்.

அப்போது குறுக்கிட்ட நீதிபதி, காணாமல் போன கலைச்செல்வன் தொடர்பாக தாக்கல் செய்யப்பட்ட ஆவணங்களில் பிறந்த தேதி மாறுபடுகிறது. அங்க அடையாளங்களும் மாறுபடுகின்றன என்று கூறினார்.

அப்போது வாதம் செய்த தம்பதியர் தரப்பு வக்கீல் டைட்டஸ், ‘அங்க அடையாளங்களை முற்றிலும் அழிக்க முடியும் என்று தடயவியல் தகவல்கள் கூறுகின்றன என்றார். இதற்கு தனுஷ் தரப்பு வக்கீல் விளக்கம் அளித்தார். 3 மணிநேரம் நடந்த விசாரனையின் போது தனுஷ் தரப்பில் வக்கீல் ராமகிருஷ்ணன் ஆஜர் ஆனார். இரு தரப்பு வாதங்களையும் கேட்ட நீதிபதி தீர்ப்பை தேதி குறிப்பிடாமல் ஒத்தி வைத்தார்.

அப்போது ‘டி.என்.ஏ. பரிசோதனை குறித்து குறிப்பிட்ட நீதிபதி கோர்ட்டு தான் அதை முடிவு செய்யும். இதற்கு மனு தாக்கல் செய்தவர்களின் பதிலும் பெறப்படவேண்டும் என்று தெரிவித்தார்..

இதுகுறித்து மேலூர் தம்பதி கதிரேசன்-மீனாட்சி ஆகியோர் கூறியதாவது:-

எங்களுக்கு வயதாகி விட்டது. பணம், விளம்பரத்துக்கு ஆசைப்பட்டு இந்த வழக்கை தொடரவில்லை. எங்கள் மகன் கலைச்செல்வன் தான் நடிகர் தனுஷ். அதனை நிரூபிக்கத்தான் போராடி வருகிறோம்.

எங்களிடம் அதற்கான அனைத்து ஆதாரங்களும் உள்ளன. ஆனால் எதிர் தரப்பினர் போலியான ஆவணங்களை தாக்கல் செய்து உள்ளனர். எனவே எங்கள் மகன் தனுஷ் என்பதை நிரூபிக்க டி.என்.ஏ. பரிசோதனைக்கு கூட நாங்கள் தயாராக இருக்கிறோம்.

எங்களுக்கு எப்படியும் நியாயம் கிடைக்கும் என்ற நம்பிக்கை உள்ளது. எங்கள் மகன் தனுஷ் என்பதை நிரூபிக்கும் வரை சட்ட போராட்டம் நடத்துவோம்.

இவ்வாறு அவர்கள் கூறினர்.

பிரபுதேவா ஸ்டுடியோஸ் சார்பில் பிரபுதேவா தயாரித்து இயக்கும் படம் ‘கருப்புராஜா வெள்ளைராஜா’ விஷால்-கார்த்தி நடிக்கும் இந்த படத்தில் ஷாயிஷா நாயகியாக நடிக்கிறார். ஹாரிஸ் ஜெயராஜ் இசை அமைக்கிறார்.

இந்த படத்தின் தொடக்கவிழா சென்னையில் நடந்தது. இதில் பிரபுதேவா, விஷால்,கார்த்தி, இயக்குனர் ஏ.எல்.விஜய், ஷாயிஷா, தயாரிப்பாளர் ஐசரி கணேஷ் உள்பட பலர் கலந்து கொண்டனர்.

பிரபுதேவா பேசும்போது, “ இது இரண்டு ஹீரோக்கள் கதை. விஷாலும், கார்த்தியும் ஒத்துக்கொண்டதால்தான் ‘கருப்பு ராஜா வெள்ளை ராஜா’ படம் தொடங்குகிறது” என்றார்.

விஷால் “ நானும் கார்த்தியும் நடிகர் சங்க கட்டிடத்துக்கு பணம் கொடுக்க முடிவு செய்தோம். இந்த படத்தில் இருந்து அதற்கான பணத்தை சேர்க்க போகிறோம். ‘கருப்பு ராஜா வெள்ளை ராஜா’ தலைப்பு மிகவும் பொருத்தமாக இருக்கிறது. பிரபுதேவா இயக்கத்தில் நடிக்க ஆர்வமாக இருக்கிறேன்” என்று கூறினார்.

கார்த்தி கூறும் போது, “இரண்டு நடிகர்கள் சேர்ந்து நடிப்பது எவ்வளவு பெரிய குழப்பம் என்பது எல்லோருக்கும் தெரியும். நெருக்கமான நண்பர்களாக இருந்தால் தான் இது நடக்கும். நடிகர் சங்க தேர்தலில் போட்டியிடும் முன்பு நானும் விஷாலும் பேசிக் கொண்டது கூட இல்லை. அதன் பிறகு நிறைய பேசி இருக்கிறோம். விஷால், சினிமா நன்றாக இருக்க வேண்டும் என்று 24 மணி நேரமும் உழைக்கிறார். இது இரண்டு நண்பர்கள் கதை. விஷாலுடன் நடிப்பது நல்ல அனுபவமாக இருக்கும். எங்களிடையே எப்போதும் நட்பு இருக்கும்” என்றார்.

கேரள திரையுலகின் முன்னணி நடிகராக திகழ்ந்தவர் கலாபவன் மணி. இவர் கொச்சியில் உள்ள அவரது பண்ணை வீட்டில் கடந்த 2016-ம் ஆண்டு மார்ச் மாதம் 6-ந்தேதி மர்மமான முறையில் இறந்தார்.

இதபற்றி கேரள போலீசார் விசாரணை நடத்தினர். அவரது சாவில் மர்மம் இருப்பதாக மனைவி மற்றும் உறவினர்கள் புகார் கொடுத்தனர். அதன் பேரில் கலாபவன் மணியின் உடல் உறுப்புகள் பரிசோதனைக்கு அனுப்பப்பட்டது. அதில் பூச்சிக்கொல்லி மருந்து இருந்தது தெரிய வந்தது.

இதையடுத்து இந்த வழக்கை சி.பி.ஐ. விசாரிக்க வேண்டுமென கலாபவன் மணியின் சகோதரர் ராமகிருஷ்ணன் கோரிக்கை விடுத்தார். இதுபற்றி மாநில அரசுக்கும் மனு கொடுத்தார். இது தொடர்பாக சி.பி.ஐ. தரப்பில் கூறும்போது, தங்களுக்கு ஏராளமான வழக்குகளின் விசாரணை நிலுவையில் இருப்பதால் இப்போது இந்த வழக்கை விசாரிக்க இயலாது என்று தெரிவித்தனர்.

இதையடுத்து கலாபவன் மணியின் சகோதரர் ராமகிருஷ்ணன், கேரள ஐகோர்ட்டில் மனு செய்தார். அதில், கலாபவன் மணி மரணத்தில் ஏராளமான மர்மங்கள் உள்ளது. அவர் இறந்து ஓராண்டு முடிந்த பின்பும் இதுவரை விசாரணை முழுமை பெறவில்லை. குற்றவாளிகளும் கண்டுபிடிக்கப்படவில்லை.எனவே இந்த வழக்கை சி.பி.ஐ. விசாரிக்க ஐகோர்ட்டு உத்தரவிடவேண்டும் என்று கோரி இருந்தார்.

மனுவை விசாரித்த ஐகோர்ட்டு இன்று கலாபவன் மணி வழக்கை சி.பி.ஐ. விசாரிக்க வேண்டுமென்று உத்தரவு பிறப்பித்தது. ஒரு மாதகாலத்திற்குள் வழக்கின் ஆவணங்களை பெற்று விசாரணையை தொடங்க வேண்டுமென்றும் தெரிவித்துள்ளது.

பிரபல மலையாள நடிகர் திலீப். இவரும் நடிகை மஞ்சுவாரியரும் காதலித்து திருமணம் செய்துகொண்டனர். இந்த தம்பதிக்கு 16 வயதில் ஒரு மகளும் உள்ளார்.

இந்த நிலையில் திலீப் - மஞ்சுவாரியர் இடையே கருத்துவேறுபாடு காரணமாக பிரிவு ஏற்பட்டது. இதன் பிறகு அவர்கள் கோர்ட்டில் வழக்கு தொடர்ந்து விவாகரத்தும் பெற்றுக்கொண்டனர். அதன் பிறகு திலீப்பின் பராமரிப்பில் அவரது மகள் இருந்து வருகிறார். மேலும் நடிகை காவ்யா மாதவனை திலீப் 2-ம் திருமணமும் செய்து கொண்டார்.

மஞ்சுவாரியருடன் குடும்பம் நடத்தி வந்தபோதே திலீப்புக்கும் காவ்யாமாதவனுக்கும் தொடர்பு ஏற்பட்டது. இதுபற்றி அப்போது திரையுலகில் கிசுகிசு நிலவியபோது அவர்கள் இருவரும் அதை மறுத்தனர். மஞ்சுவாரியரை விவாகரத்து செய்தபிறகு காவ்யாமாதவனை திருமணம் செய்யப்போவது பற்றியும் பரபரப்பு கிளம்பியது. அதையும் அவர்கள் மறுத்தனர். ஆனால் திடீரென்று திலீப்பும், காவ்யா மாதவனும் திருமணம் செய்துகொண்டனர்.

இந்த நிலையில் நடிகர் திலீப் தனது 2-வது திருமணம் தொடர்பாக மனம் திறந்து பேட்டி அளித்துள்ளார். அவர் கூறியதாவது:-

நான் மஞ்சுவாரியரை விவாகரத்து செய்துவிட்டு காவ்யாமாதவனை 2-வது திருமணம் செய்துகொண்டதற்கு என் மீது எனது ரசிகர்களுக்கு அதிருப்தி ஏற்பட்டதை நான் அறிவேன். பலரும் இதுதொடர்பாக எங்களைபற்றி தவறாக பேசினார்கள்.

நான் கோர்ட்டு மூலம் முறைப்படி விவாகரத்து பெற்றுதான் காவ்யா மாதவனை திருமணம் செய்துகொண்டேன். எனக்கு 16 வயதில் மகள் உள்ளார். 16 வயது பெண்ணின் மனநிலை என்ன என்பது எனக்கு தெரியும். எனவே எனது மகளின் சம்மதம் பெற்றுதான் இந்த திருமணத்தை செய்தேன்.

முதலில் இந்த திருமணத்திற்கு காவ்யா மாதவனின் தாயாருக்கு விருப்பம் இல்லை. என்னிடமே காவ்யா மாதவனுக்கு நல்ல மாப்பிள்ளை பார்க்கும்படி கூறினார். ஆனால் எங்களை இணைத்து பேசப்பட்ட அவதூறுகளை மாற்றவே நாங்கள் இருவரும் திருமணம் செய்துகொண்டோம்.

இவ்வாறு அவர் கூறினார்.