ஹோண்டா கார்ஸ் இந்தியா நிறுவனம் எலிவேட் எஸ்யுவி மாடலின் விற்பனை செப்டம்பர் மாதம் துவங்கும் என்று தெரிவித்து இருக்கிறது. மேலும் வினியோகமும் அதே மாதத்தில் துவங்கிவிடும் என்று கூறப்படுகிறது. புதிய ஹோண்டா எலிவேட் மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 5 ஆயிரம் என்று நிர்ணயம் செய்யப்பட்டு உள்ளது.
நீண்ட கால இடைவெளிக்கு பின், ஹோண்டா அறிமுகம் செய்யும் புதிய கார் மாடல் இது ஆகும். புதிய எலிவேட் எஸ்யுவி மாடல் அழகிய டிசைன் கொண்டிருக்கிறது. காரின் உள்புறம் பிரீமியம் தோற்றம், ஃபுளோடிங் டச் ஸ்கிரீன் இன்ஃபோடெயின்மென்ட் சிஸ்டம் வழங்கப்படுகிறது.
இத்துடன் செமி டிஜிட்டல் இன்ஸ்ட்ரூமென்ட் கிளஸ்டர், ஆப்பிள் கார்பிளே மற்றும் ஆண்ட்ராய்டு ஆட்டோ, சன்ரூஃப், வயர்லெஸ் போன் சார்ஜர், ஆறு ஏர்பேக், எலெக்ட்ரிக் ஸ்டேபிலிட்டி கன்ட்ரோல் மற்றும் ADAS போன்ற அம்சங்கள் வழங்கப்படுகிறது.
ஹோண்டா எலிவேட் மாடல் 1.5 லிட்டர் NA பெட்ரோல் என்ஜின் ஆப்ஷனில் கிடைக்கும் என்று தகவல் வெளியாகி உள்ளது. இத்துடன் 6 ஸ்பீடு மேனுவல் அல்லது CVT டிரான்ஸ்மிஷன் வழங்கப்படுகிறது. இதே காரின் ஸ்டிராங் ஹைப்ரிட் வெர்ஷன் எதிர்காலத்தில் அறிமுகம் செய்யப்படும் என்றும் எதிர்பார்க்கலாம்.
