நான்கு எலெக்ட்ரிக் வாகன கான்செப்ட்களை அறிமுகம் செய்த நிசான்

ஜப்பானை சேர்ந்த கார் உற்பத்தியாளரான நிசான் எலெக்ட்ரிக் வாகன பிரிவில் கவனம் செலுத்த துவங்கி இருக்கிறது. 2030 ஆண்டிற்குள் 23 எலெக்ட்ரிக் வாகனங்களை அறிமுகம் செய்ய நிசான் திட்டமிட்டுள்ளது. இதில் 15 மாடல்கள் முழுக்க முழுக்க எலெக்ட்ரிக் வாகனங்கள் ஆகும். 

இது தவிர நிசான் நிறுவனம் நான்கு கான்செப்ட் இ.வி. மாடல்களை அறிமுகம் செய்து இருக்கிறது. இந்த கான்செப்ட் மாடல்கள் சில்-அவுட், மேக்ஸ்-அவுட், சர்ஃப்-அவுட் மற்றும் ஹேங்-அவுட் என அழைக்கப்படுகின்றன. எலெக்ட்ரிக் வாகனங்கள் மட்டுமின்றி நிசான் நிறுவனம் கோபால்ட்-ஃபிரீ பேட்டரிகளை அறிமுகம் செய்ய திட்டமிட்டு வருகிறது. 

இவை உற்பத்தி செலவை மேலும் குறைக்கும். 2026 ஆண்டு வாக்கில் பேட்டரி உற்பத்தியை 52 GWh ஆகவும், 2030-க்குள் 130 GWh ஆகவும் அதிகரிக்க நிசான் திட்டமிட்டுள்ளது.