வேகன்ஆர் Xtra எடிஷனை இந்தியாவில் அறிமுகம் செய்த மாருதி சுசுகி

மாருதி சுசுகி நிறுவனம் இந்திய சந்தையில் வேகன்ஆர் Xtra எடிஷனை அறிமுகம் செய்து இருக்கிறது. புதிய Xtra எடிஷன் வேகன்ஆர் VXi வேரியண்டை தழுவி உருவாக்கப்பட்டு இருக்கிறது. புதிய மாடலில் காஸ்மெடிக் மாற்றங்கள் மட்டும் செய்யப்பட்டுள்ளது.

அதன்படி வேகன்ஆர் Xtra எடிஷனில் பம்ப்பர் ப்ரோடெக்டர்கள், பக்கவாட்டில் ஸ்கர்ட்கள், வீல் ஆர்ச் கிளாடிங், முன்புற கிரில், பின்புற கதவு மற்றும் நம்பர் பிளேட்களின் மீது குரோம் கார்னிஷ் செய்யப்பட்டு இருக்கிறது. இத்துடன் இன்டீரியர் ஸ்டைலிங் கிட் வழங்கப்படுகிறது.

மாருதி சுசுகி Xtra எடிஷனில் 68 ஹெச்.பி. பவர் வழங்கும் 1 லிட்டர் பெட்ரோல் என்ஜின், 83 பி.ஹெச்.பி. பவர் வழங்கும் 1.2 லிட்டர் பெட்ரோல் என்ஜின் போன்ற ஆப்ஷன்கள் வழங்கப்படுகிறது. இரு என்ஜின்களுடன் 5 ஸ்பீடு மேனுவல், 5 ஸ்பீடு AMT கியர்பாக்ஸ் வழங்கப்படுகிறது.