ஹோண்டா NX200 டீசர் வெளியீடு

ஹோண்டா 2 வீலர்ஸ் இந்தியா நிறுவனம் NX200 அட்வென்ச்சர் மோட்டார்சைக்கிளை விரைவில் அறிமுகம் செய்ய இருக்கிறது. தற்போதைய தகவல்களின் படி புதிய ஹோண்டா NX200 ஆகஸ்ட் 19 ஆம் தேதி அறிமுகமாகும் என கூறப்படுகிறது. 

டீசரில் புதிய மோட்டார்சைக்கிள் பெயரை ஹோண்டா குறிப்பிடவில்லை. எனினும், இந்த மாடல் NX200 பெயரில் பதிவு செய்யப்பட்டு உள்ளது. ஹார்னெட் 2.0 என்ஜின் மற்றும் பிளாட்பார்மை போன்றே NX200 மாடலும் ஹோண்டாவின் ரெட்விங் விற்பனை மையங்கள் மூலம் விற்பனை செய்யப்பட இருக்கிறது.

இந்த மாடலில் ஹார்னெட் 2.0 எடிஷனில் உள்ளதை போன்றே 184.5சிசி 2-வால்வ், ஏர்-கூல்டு சிங்கில் சிலிண்டர் என்ஜின் வழங்கப்படுகிறது. இந்த என்ஜின் 17.26 பி.எஸ். பவர், 16.1 நியூட்டன் மீட்டர் டார்க் செயல்திறன் வழங்குகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது.