search icon
என் மலர்tooltip icon

    ஆட்டோமொபைல்

    லம்போர்கினி கார்
    X
    லம்போர்கினி கார்

    விரைவில் இரண்டு புது கார்களை அறிமுகம் செய்யும் லம்போர்கினி

    அதிரடி என்ஜின் கொண்ட இரண்டு புது சூப்பர் கார் மாடல்களை அறிமுகம் செய்ய லம்போர்கினி திட்டமிட்டு இருக்கிறது.

    சூப்பர் கார் மாடல்களை உற்பத்தி செய்து வரும் லம்போர்கினி நிறுவனம் வி12 என்ஜின் கொண்ட இரண்டு புது மாடல்களை அறிமுகம் செய்ய திட்டமிட்டு வருவதாக தகவல் வெளியாகி உள்ளது. 2020 ஆண்டு விற்பனையில் அதிக வளர்ச்சி பெற்றதை தொடர்ந்து மேலும் புது மாடல்களை அறிமுகம் செய்ய லம்போர்கினி திட்டமிட்டுள்ளதாக கூறப்படுகிறது.

    ஹரிகேன் சூப்பர் டிரோபியோ ஆம்லோகேடோ மாடலின் வினியோகம் இந்த ஆண்டு துவங்கும் என்றும் இதை தொடர்ந்து வி12 என்ஜின் கொண்ட இரண்டு மாடல்களை லம்போர்கினி அறிமுகம் செய்யும் என கூறப்படுகிறது. இரண்டு புது மாடல்கள் பற்றி இதுவரை எந்த தகவலும் இல்லை. 

     லம்போர்கினி கார்

    இரு மாடல்களில் ஒன்று எலெக்ட்ரிக் முறையில் இயங்கும் சூப்பர்கேபாசிட்டர் சிஸ்டம் கொண்டிருக்கும் என லம்போர்கினி நிறுவன தலைவர் ஸ்டீபன் வின்கில்மேன் தனியார் நிறுவனத்திற்கு அளித்த பேட்டியில் தெரிவித்தார். இதே போன்ற சிஸ்டம் லம்போர்கினி சியன் எப்கேபி 37 ஹைப்பர்கார் மாடலிலும் வழங்கப்பட்டு இருக்கிறது.

    கொரோனா தொற்று காலக்கட்டத்திலும் லம்போர்கினி நிறுவனம் உலகம் முழுக்க 7430 கார்களை விற்பனை செய்து இருக்கிறது. இதன்மூலம் லம்போர்கினி நிறுவனத்தின் லாபம் ரூ. 13,924 கோடியாக இருந்தது. லம்போர்கினி நிறுவன வரலாற்றில் இத்தகைய லாபம் ஈட்டுவது இதுவே இரண்டாவது முறை ஆகும். 
    Next Story
    ×