மெர்சிடிஸ் பென்ஸ் நிறுவனம் தனது EQA எலெக்ட்ரிக் எஸ்யுவி மாடலை சர்வதேச சந்தையில் அறிமுகம் செய்து இருக்கிறது. புதிய எஸ்யுவி அந்நிறுவனத்தின் என்ட்ரி-லெவல் எலெக்ட்ரிக் கார் ஆகும். புதிய கார் விற்பனை சர்வதேச சந்தையில் வரும் மாதங்களில் துவங்க இருக்கிறது.
புதிய மெர்சிடிஸ் பென்ஸ் EQA வெளிப்புற தோற்றம் ஜிஎல்ஏ மாடலை தழுவி உருவாக்கப்பட்டு இருக்கிறது. எனினும், இதன் வடிவமைப்பு மற்றும் அம்சங்கள் தனித்துவமாக வழங்கப்பட்டு உள்ளன. அதன்படி புதிய கார் கிளாஸ்-பிளாக் பினிஷ் கொண்ட பேனல், எல்இடி ஹெட்லேம்ப், எல்இடி டிஆர்எல்கள் வழங்கப்பட்டு இருக்கின்றன.
மெர்சிடிஸ் பென்ஸ் நிறுவனத்தின் புதிய எலெக்ட்ரிக் எஸ்யுவி 66.5kWh பேட்டரி மற்றும் எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார் 188 பிஹெச்பி பவர் வழங்கும் திறன் கொண்டு இருக்கிறது. இது டபுள்-டெக்கர் லித்தியம் அயன் பேட்டரி பேக் கொண்டுள்ளது.
புதிய EQA எலெக்ட்ரிக் கார் ஒருமுறை சார்ஜ் செய்தால் 480 கிலோமீட்டர் வரை செல்லும் திறன் கொண்டிருக்கிறது. இதன் டூயல் மோட்டார் வேரியண்ட் ஒருமுறை சார்ஜ் செய்தால் 500 கிலோமீட்டர்களுக்கும் அதிகமாக செல்லும் என மெர்சிடிஸ் பென்ஸ் தெரிவிக்கிறது.
