பிஎம்டபிள்யூ 3 சீரிஸ் கிரான் லிமோசின் இந்திய வெளியீட்டு விவரம்

பிஎம்டபிள்யூ நிறுவனம் தனது 3 சீரிஸ் கிரான் லிமோசின் மாடல் இந்தியாவில் ஜனவரி 21, 2021 தேதி அறிமுகமாகும் என அறிவித்து இருக்கிறது. அறிமுகமானதும் இந்தியாவில் கிடைக்கும் நீண்ட மற்றும் அதிக இடவசதி கொண்ட என்ட்ரி லெவல் செடான் மாடலாக இருக்கும்.

இந்த கார் வாடிக்கையாளர்களுக்கு அதிக இடவசதியை வழங்கும் வகையில் நீளமாக உருவாக்கப்பட்டு இருக்கிறது. நீண்ட வீல்பேஸ் தவிர கிரான் லிமோசின் மாடல் தோற்றத்தில்  ஸ்டான்டர்டு வேரியண்ட்டை போன்றே காட்சியளிக்கிறது. இது பிஎம்டபிள்யூ நிறுவனத்தின் CLAR தளத்தில் உருவாகி இருக்கிறது.

புதிய பிஎம்டபிள்யூ 3 சீரிஸ் கிரான் லிமோசின் மாடலில் 2.0 லிட்டர் 4 சிலிண்டர் டர்போ சார்ஜ் செய்யப்பட்ட பெட்ரோல் என்ஜின் கொண்டிருக்கிறது. இந்த என்ஜின் 255 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.