search icon
என் மலர்tooltip icon

    ஆட்டோமொபைல்

    மெர்சிடிஸ் பென்ஸ் எஸ் கிளாஸ்
    X
    மெர்சிடிஸ் பென்ஸ் எஸ் கிளாஸ்

    இணையத்தில் வெளியான மெர்சிடிஸ் பென்ஸ் எஸ் கிளாஸ்

    மெர்சிடிஸ் பென்ஸ் நிறுவனத்தின் அடுத்த தலைமுறை எஸ் கிளாஸ் மாடல் விவரங்கள் இணையத்தில் வெளியாகியுள்ளது.



    மெர்சிடிஸ் பென்ஸ் நிறுவனம் தனது அடுத்த தலைமுறை எஸ் கிளாஸ் மாடலின் புகைப்படத்தை தனது சமீபத்திய வீடியோவில் இணைத்துள்ளது. மெர்சிடிஸ் பென்ஸ் ஆலைகளில் உற்பத்தி பணிகள் மீண்டும் துவங்குவதை தெரிவிக்கும் வகையில் வீடியோ  வெளியிடப்பட்டது.   

    புதிய எஸ் கிளாஸ் மாடல் தலைசிறந்த வடிவமைப்பு, பல்வேறு மேம்பட்ட அம்சங்களுடன் உருவாகி வருகிறது. எஸ் கிளாஸ் சீரிஸ் கொண்டு அந்நிறுவனம் தனது புதிய தொழில்நுட்பங்களை வெளிப்படுத்துவதை வாடிக்கையாக கொண்டுள்ளது. 

    மெர்சிடிஸ் பென்ஸ் எஸ் கிளாஸ்

    அதன்படி புதிய எஸ் கிளாஸ் மாடலின் உள்புறம் இரண்டு திரைகள் வழங்கப்பட்டுள்ளன. ஒன்று முழுமையான டிஜிட்டல் இன்ஸ்ட்ரூமென்ட் கிளஸ்டர், மற்றொன்று வாட்டர்ஃபால் ஸ்கிரீன் கொண்ட இன்ஃபோடெயின்மென்ட் சிஸ்டம் வழங்கப்பட்டுள்ளது. காரின் முன்புறம் எல்இடி ஹெட்லைட்கள், எல்இடி டிஆர்எல்கள், பெரிய கிரில் வழங்கப்பட்டுள்ளது. 

    பின்புறம் ராப்-அரவுண்ட் எல்இடி டெயில் லைட்கள் வழங்கப்பட்டுள்ளன. இவை முன்பை விட கூர்மையாகவும் பிரத்யேக டீடெயிலிங் கொண்டிருக்கிறது. இதில் ஸ்போர்ட் அம்சத்தை வெளிப்படுத்தும் வகையில் ட்வின் க்ரோம் எக்சாஸ்ட்கள் டெயில் பகுதியில் வழங்கப்பட்டுள்ளது.

    இந்தியாவில் மெர்சிடிஸ் பென்ஸ் எஸ் கிளாஸ் மாடல் பிஎம்டபிள்யூ 7 சீரிஸ், ஜாகுவார் எக்ஸ்ஜெ, ஆடி ஏ8, போர்ஷ் பனமெரா மற்றும் மசரெட்டி குவாட்ரோபோர்ட் உள்ளிட்ட மாடல்களுக்கு போட்டியாக அமைகிறது.
    Next Story
    ×