search icon
என் மலர்tooltip icon

    ஆட்டோமொபைல்

    டொயோட்டா எஸ்.யு.வி. டீசர்
    X
    டொயோட்டா எஸ்.யு.வி. டீசர்

    டொயோட்டாவின் சிறிய எஸ்.யு.வி. அசத்தல் டீசர் வெளியீடு

    டொயோட்டா நிறுவனத்தின் சிறிய எஸ்.யு.வி. காருக்கான புதிய டீசர் அதிகாரப்பூர்வமாக வெளியிடப்பட்டுள்ளது.



    டொயோட்டா நிறுவனம் விரைவில் புதிய எஸ்.யு.வி. கார் மாடலை அறிமுகம் செய்ய இருக்கிறது. இந்நிலையில், வெளியீட்டிற்கு முன் புதிய கார் டீசரை அந்நிறுவனம் வெளியிட்டுள்ளது.

    டீசரின்படி புதிய டொயோட்டா கார் சிறிய எஸ்.யு.வி. மாடலாக இருக்கும் என தெரிகிறது. கார் அளவுகள் பற்றி அதிகளவு விவரங்கள் இல்லாத நிலையில், டெயில் லேம்ப்கள் மற்றும் பேட்ஜ்கள் வழங்கப்படும் என கூறப்படுகிறது.

    டொயோட்டா எஸ்.யு.வி. டீசர்

    புதிய காரில் அதிக கிரவுண்ட் கிளியரன்ஸ், ஆல்-வீல் டிரைவ் சிஸ்டம் மற்றும் டொயோட்டாவின் புதிய ஹைப்ரிட் பவர்டிரெயின் தொழில்நுட்பம் உள்ளிட்டவை வழங்கப்படுகின்றன. தற்சமயம் கிடைத்திருக்கும் தகவல்களில் புதிய கார் மெல்லிய எல்.இ.டி. டெயில் லேம்ப்கள் டெயில் கேட் வரை நீளும் என கூறப்படுகிறது.

    முன்னதாக காரின் வரைபடத்தை மட்டும் டொயோட்டா வெளியிட்டது. அதில் காரின் பக்கவாட்டு பகுதி மட்டும் காணப்பட்டது. மேலும் இதில் ஃபிளாட் ரூஃப்லைன் வழங்கப்படும் என்றும் தெரிகிறது.
    Next Story
    ×