என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கார்
இந்திய வெளியீட்டை உறுதிப்படுத்தி அசத்தல் டீசர் வெளியிட்ட எம்ஜி மோட்டார்ஸ்
- எம்ஜி மோட்டார் நிறுவனம் இந்திய சந்தையில் புது குளோஸ்டர் மாடலை அறிமுகம் செய்யும் பணிகளில் ஈடுபட்டு வருகிறது.
- இந்தியாவில் லெவல் 1 ADAS வசதியுடன் அறிமுகமான முதல் எஸ்யுவி என்ற பெருமையை எம்ஜி குளோஸ்டர் பெற்று இருக்கிறது.
எம்ஜி மோட்டார் இந்தியா லிமிடெட் நிறுவனம் மேம்பட்ட குளோஸ்டர் மாடலுக்கான டீசரை வெளியிட்டு உள்ளது. புதிய பிளாக்ஷிப் எஸ்யுவி மாடல் இந்திய சந்தையில் டொயோட்டா பார்ச்சூனர், இசுசு MU-X, ஸ்கோடா கோடியக் மற்றும் ஜீப் மெரிடியன் போன்ற மாடல்களுக்கு போட்டியாக அமைகிறது. இந்திய சந்தையில் 2020 அக்டோபர் மாத வாக்கில் அறிமுகமான நிலையில், லெவல் 1 ADAS வசதியுடன் அறிமுகமான முதல் எஸ்யுவி என்ற பெருமையை எம்ஜி குளோஸ்டர் பெற்று இருக்கிறது.
தற்போதைய டீசரில் மேம்பட்ட குளோஸ்டர் மாடலுக்கான விளம்பர வாக்கியங்கள் தவிர வேறு எந்த விவரமும் தெளிவாக தெரியவில்லை. மேலும் டீசருக்கான தலைப்பில் இந்த கார் 4x4 வசதி, ADAS பாதுகாப்பு கொண்டிருக்கும் என தெரிவிக்கப்பட்டு இருக்கிறது. இந்த காரில் சிறிதளவு காஸ்மெடிக் மாற்றங்கள் மட்டும் மேற்கொள்ளப்பட்டு இருக்கும் என எதிர்பார்க்கலாம். மேக்சஸ் D90 மாடலை தழுவி உருவாக்கப்பட்ட ஃபுல் சைஸ் எஸ்யுவி மாடல் ஆகும்.
புதிய குளோஸ்டர் மாடலில் லெவல் 2 ADAS (அட்வான்ஸ்டு டிரைவர் அசிஸ்டன்ஸ் சிஸ்டம்ஸ்) தொழில்நுட்பம் வழங்கப்படும் என எதிர்பார்க்கலாம். ஏற்கனவே தற்போது விற்பனை செய்யப்பட்டு வரும் ஆஸ்டர் மிட் சைஸ் எஸ்யுவி மாடலிலும் இந்த தொழில்நுட்பம் வழங்கப்பட்டு இருக்கிறது. இத்துடன் 12.2 இன்ச் தொடுதிரை வசதி கொண்ட இன்போடெயின்மெண்ட் சிஸ்டம், கனெக்டெட் தொழில்நுட்பம், ஆல் டிஜிட்டல் இன்ஸ்ட்ரூமெண்ட் கிளஸ்டர், 360 டிகிரி கேமரா, பானரோமிக் சன்ரூப், ஆறு ஏர்பேக் உள்ளிட்டவை வழங்கப்பட்டு இருக்கிறது.
இந்திய சந்தையில் தற்போதைய எம்ஜி குளோஸ்டர் மாடலின் விலை ரூ. 31 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் சூப்பர், ஸ்மார்ட், ஷார்ப் மற்றும் சேவி என நான்கு வித வேரியண்ட்களில் கிடைக்கிறது. இந்த மாடலில் 2.0 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் இருவித டியூனிங்கில் கிடைக்கிறது. இத்துடன் 8 ஸ்பீடு டார்க் கன்வெர்ட்டர் AT மற்றும் ஆல் வீல் டிரைவ் வசதி வழங்கப்பட்டு உள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்