search icon
என் மலர்tooltip icon

    ஆட்டோமொபைல்

    2021 ஹோண்டா அமேஸ் பேஸ்லிப்ட்
    X
    2021 ஹோண்டா அமேஸ் பேஸ்லிப்ட்

    2021 ஹோண்டா அமேஸ் பேஸ்லிப்ட் இந்தியாவில் வெளியீடு

    ஹோண்டா கார்ஸ் நிறுவனத்தின் அதிகம் எதிர்பார்க்கப்பட்ட அமேஸ் பேஸ்லிப்ட் மாடல் இருவித என்ஜின் ஆப்ஷன்களில் கிடைக்கிறது.


    ஹோண்டா கார்ஸ் நிறுவனம் 2021 அமேஸ் பேஸ்லிப்ட் மாடலை இந்திய சந்தையில் அறிமுகம் செய்தது. புதிய 2021 அமேஸ் மாடலின் வெளிப்புறம் பல்வேறு மாற்றங்களை கொண்டிருக்கிறது. 2021 ஹோண்டா அமேஸ் பேஸ்லிப்ட் விலை ரூ. 6.32 லட்சம் (எக்ஸ்-ஷோரூம்) என துவங்குகிறது. 

    புதிய அமேஸ் பேஸ்லிப்ட் மாடல் அமேஸ் இ, அமேஸ் எஸ் மற்றும் அமேஸ் வி.எக்ஸ். என மூன்று வேரிண்ட்களில் கிடைக்கிறது. டாப் எண்ட் வி.எக்ஸ். மாடலில் பல்வேறு மாற்றங்கள் மேற்கொள்ளப்பட்டுள்ளன. 2021 அமேஸ் பேஸ்லிப்ட் மாடலின் கிரில் முழுமையாக மாற்றப்பட்டு புதிய தோற்றம் பெற்று இருக்கிறது.  

     2021 ஹோண்டா அமேஸ் பேஸ்லிப்ட்

    இத்துடன் எல்.இ.டி. ப்ரோஜெக்டர் ஹெட்லேம்ப்கள், எல்.இ.டி. டி.ஆர்.எல்.-கள், 15 இன்ச் டைமண்ட் கட் அலாய் வீல்கள், கார் கைப்பிடிகள் குரோம் பினிஷ் செய்யப்பட்டு உள்ளது. பின்புறம் சி வடிவ எல்.இ.டி. டெயில் லைட்கள், பம்ப்பகில் ரிப்லெக்டர்கள் வழங்கப்பட்டு உள்ளன. 

    2021 ஹோண்டா அமேஸ் பேஸ்லிப்ட் மாடலில் 1.2 லிட்டர் ஐ-வி.டி.இ.சி. பெட்ரோல் மற்றும் 1.5 லிட்டர் ஐ-டி.டி.இ.சி. டீசல் என்ஜின் வழங்கப்பட்டு இருக்கிறது. பெட்ரோல் என்ஜின் 89 பி.ஹெச்.பி. திறன், 110 நியூட்டன் மீட்டர் டார்க் இழுவிசையை வழங்குகிறது. 

    டீசல் என்ஜின் 99 பி.ஹெச்.பி. திறன், 200 நியூட்டன் மீட்டர் டார்க் இழுவிசையை வழங்குகிறது. இரு என்ஜின்களுடன் 5 ஸ்பீடு மேனுவல் கியர்பாக்ஸ், சி.வி.டி. ஆட்டோமேடிக் கியர்பாக்ஸ் ஆப்ஷன் வழங்கப்படுகிறது.

    Next Story
    ×