ஜாகுவார் F Type R டைனமிக் பிளாக் முன்பதிவு விவரம்

ஜாகுவார் லேண்ட் ரோவர் நிறுவனம் புதிய F Type R டைனமிக் பிளாக் மாடலுக்கான முன்பதிவை துவங்கி இருக்கிறது. புதிய மாடலில் காஸ்மெடிக் மாற்றங்கள் மற்றும் பிளாக் தீம் செய்யப்படுகிறது. புதிய ஜாகுவார் F Type R டைனமிக் மாடல் - சன்டோரினி பிளாக், எய்கர் கிரே மற்றும் பிரென்ஸ் ரெட் என மூன்று நிறங்களில் கிடைக்கிறது.

இதில் வழங்கப்படும் 5-ஸ்ப்லிட் ஸ்போக் கொண்ட 20 இன்ச் அலாய் வீல்களும் முற்றிலும் கருப்பு நிறத்திற்கு மாற்றப்பட்டு உள்ளது. உள்புறம் விண்ட்சர் லெதர், ஒய்ஸ்டர் ஸ்டிட்ச் மற்றும் மார்ஸ், பிளேம் ரெட் ஸ்டிட்ச் போன்ற ஆப்ஷன்களில் இருக்கை வழங்கப்படுகிறது. 

புதிய ஜாகுவார் F Type R டைனமிக் மாடலில் 5 லிட்டர் சூப்பர்சார்ஜ் செய்யப்பட்ட வி8 என்ஜின் வழங்கப்பட்டு இருக்கிறது. இந்த என்ஜின் 444 பி.ஹெச்.பி. பவர், 580 நியூட்டன் மீட்டர் டார்க் செயல்திறன் வழங்குகிறது. இத்துடன் 8 ஸ்பீடு குவிக்‌ஷிப்ட் டிரான்ஸ்மிஷன் வழங்கப்படுகிறது.