search icon
என் மலர்tooltip icon

    ஆட்டோமொபைல்

    2021 மெர்சிடிஸ பென்ஸ் GLA
    X
    2021 மெர்சிடிஸ பென்ஸ் GLA

    2021 மெர்சிடிஸ் பென்ஸ் GLA அறிமுகம்

    மெர்ச்டிஸ் பென்ஸ் நிறுவனத்தின் 2021 GLA மாடல் இந்தியாவில் நான்கு வேரியண்ட்களில் விற்பனைக்கு கிடைக்கிறது.

    மெர்சிடிஸ் பென்ஸ் இந்தியா நிறுவனம் GLA மாடலை இந்திய சந்தையில் அறிமுகம் செய்து இருக்கிறது. இதன் துவக்க விலை ரூ. 42.10 லட்சம், எக்ஸ்-ஷோரூம் ஆகும். இந்த பிரீமியம் எஸ்யுவி மாடல் இந்தியாவில் - GLA 200, GLA 220d, GLA 220d 4மேடிக் மற்றும் AMG லைன் GLA 35 என நான்கு வேரியண்ட்களில் கிடைக்கிறது.

    2021 GLA மாடல் முற்றிலும் புதிய வெளிப்புற டிசைன் கொண்டிருக்கிறது. இது முந்தைய மாடலை விட நீளமாகவும், அகலமாகவும் இருக்கிறது. இதன் உயரமும் சற்றே அதிகரிக்கப்பட்டு இருக்கிறது. புதிய GLA மாடல் ஹை-பெர்பார்மன்ஸ் எல்இடி ஹெட்லேம்ப்கள், இன்டகிரேட் செய்யப்பட்ட எல்இடி டிஆர்எல்கள், புது அடாப்டிவ் எல்இடி டெயில் லேம்ப்கள் உள்ளன.

     2021 மெர்சிடிஸ பென்ஸ் GLA

    புதிய மெர்சிடிஸ் பென்ஸ் GLA 200 மாடலில் 1332சிசி டர்போ பெட்ரோல் என்ஜின் வழங்கப்பட்டு இருக்கிறது. இத்துடன் 7 ஸ்பீடு டூயல் கிளட்ச் டிரான்ஸ்மிஷன் வழங்கப்படுகிறது. இந்த என்ஜின் 161 பிஹெச்பி பவர், 250 என்எம் டார்க் செயல்திறன் வழங்குகிறது. 

    GLA 220d மற்றும் 220d 4மேடிக் மாடல்களில் 1920சிசி டீசல் என்ஜின் வழங்கப்படுகிறது. இத்துடன் 8 ஸ்பீடு டிசிடி யூனிட் வழங்கப்படுகிறது. இந்த என்ஜின் 187 பிஹெச்பி பவர், 400 என்எம் டார்க் செயல்திறன் வழங்குகிறது. இந்தியாவில் புதிய பென்ஸ் GLA டாப் எண்ட் மாடல் விலை ரூ. 57.3 லட்சம், எக்ஸ்-ஷோரூம் ஆகும்.
    Next Story
    ×