மார்ச் மாத வாகன விற்பனை விவரங்களை வெளியிட்ட ஹூண்டாய்

ஹூண்டாய் மோட்டார் இந்தியா லிமிடெட் நிறுவனம் மார்ச் 2021 மாதத்தில் மட்டும் 64,621 யூனிட்களை விற்பனை செய்து இருப்பதாக அறிவித்து உள்ளது. உள்நாட்டில் மட்டும் 52,600 யூனிட்களும் வெளிநாடுகளுக்கு 12,021 யூனிட்களும் ஏற்றுமதி செய்யப்பட்டன.

கடந்த ஆண்டு மார்ச் மாதத்துடன் ஒப்பிடும் போது ஹூண்டாய் நிறுவனத்தின் உள்நாட்டு விற்பனை 100 சதவீதமும், ஏற்றுமதியில் 101 சதவீதமும் வளர்ச்சியை பெற்று இருக்கிறது. உள்நாட்டில் 2020 மார்ச் மாதத்தில் 26,300 யூனிட்களும், வெளிநாடுகளுக்கு 5,979 யூனிட்களை ஏற்றுமதி செய்து இருந்தது.

கொரியாவை சேர்ந்த ஹூண்டாய் நிறுவனம் விரைவில் புதிய அல்காசர் எஸ்யுவி மாடலை சர்வதேச சந்தையில் அறிமுகம் செய்ய இருக்கிறது. முதற்கட்டமாக இந்த கார் இந்திய சந்தையில் அறிமுகம் செய்யப்பட இருக்கிறது. இது கிரெட்டா மாடலை தழுவி உருவாகி இருக்கிறது.