டிசம்பர் விற்பனையில் அசத்திய மாருதி சுசுகி

மாருதி சுசுகி இந்தியா நிறுவனம் டிசம்பர் 2020 மாதத்தில் மட்டும் 1,60,226 யூனிட்களை விற்பனை செய்து இருக்கிறது. கடந்த ஆண்டு டிசம்பர் மாதத்துடன் ஒப்பிடும் போது மாருதி சுசுகி 20.2 சதவீதம் வளர்ச்சியை பதிவு செய்து உள்ளது. 

மொத்த விற்பனையில் உள்நாட்டில் மட்டும் 1,46,480 யூனிட்களும், வெளிநாடுகளுக்கு 9,938 யூனிட்களை ஏற்றுமதி செய்து இருக்கிறது. இதுதவிர 3808 யூனிட்களை மற்ற நிறுவனங்களுக்கு உற்பத்தி செய்து வழங்கி இருக்கிறது.

2020-2021 நிதியாண்டின் மூன்றாவது காலாண்டில் மாருதி சுசுகி நிறுவனம் 4,95,897 யூனிட்களை விற்பனை செய்து இருக்கிறது. முந்தைய ஆண்டுடன் ஒப்பிடும் போது 13.4 சதவீதம் வளர்ச்சியை பதிவு செய்துள்ளது. சமீபத்தில் மாருதி சுசுகி நிறுவனம் ஜிம்னி மாடல் உற்பத்தியை இந்தியாவில் துவங்கியது.