லேண்ட் ரோவர் நிறுவனம் இந்தியாவில் தனது டிபென்டர் ஆஃப்-ரோட் எஸ்யுவி மாடலை அக்டோபர் 15 ஆம் தேதி அறிமுகம் செய்ய இருக்கிறது. இந்தியாவில் லேண்ட் ரோவர் நிறுவனம் டிபென்டர் மாடலை முதல் முறையாக அறிமுகம் செய்கிறது.
வேண்ட் ரோவர் டிபென்டர் 90 (மூன்று கதவு) மற்றும் 110 (ஐந்து கதவு) என இரண்டு மாடல்களில் கிடைக்கிறது. இரு மாடல்களும் ஐந்து வேரியண்ட்களில் கிடைக்கின்றன. லேண்ட் ரோவர் டிபென்டர் மாடல் விலை ஏற்கனவே அறிவிக்கப்பட்டு, இவற்றுக்கான முன்பதிவும் துவங்கி நடைபெற்று வருகிறது.
டிபென்டர் 90 மாடல் விலை ரூ. 69.99 லட்சத்தில் துவங்கி டாப் எண்ட் மாடல் விலை ரூ. 81.30 லட்சம் என நிர்ணயம் செய்யப்பட்டு உள்ளது. டிபென்டர் 110 மாடல் விலை ரூ 76.57 லட்சத்தில் துவங்கி டாப் எண்ட் மாடல் விலை ரூ. 86.27 லட்சம் என நிர்ணயம் செய்யப்பட்டு உள்ளது.
லேண்ட் ரோவர் டிபென்டர் 110 மாடல் விநியோகம், அறிமுக நிகழ்வை தொடர்ந்து துவங்குகிறது. டிபென்டர் 90 மாடலின் விநியோகம் கொரோனாவைரஸ் பாதிப்பு காரணமாக தாமதம் ஆகும் என தெரிகிறது.
