search icon
என் மலர்tooltip icon

    ஆட்டோமொபைல்

    டொயோட்டா யாரிஸ்
    X
    டொயோட்டா யாரிஸ்

    அசத்தல் அம்சங்களுடன் டொயோட்டா யாரிஸ் புதிய வேரியண்ட்

    டொயோட்டா இந்தியா நிறுவனம் தனது யாரிஸ் செடான் மாடலின் புதிய வேரியண்ட்டை இந்தியாவில் அறிமுகம் செய்துள்ளது.



    டொயோட்டா இந்தியா நிறுவனம் யாரிஸ் செடான் மாடலின் புதிய வேரியண்ட்டை இந்தியாவில் அறிமுகம் செய்தது. புதிய வேரியண்ட் ஜி-ஆப்ஷனல் என அழைக்கப்படுகிறது. இதன் விலை ரூ. 9.63 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

    முன்னதாக டொயோட்டா யாரிஸ் ஜெ-ஆப்ஷனல் மற்றும் வி-ஆப்ஷனல் வேரியண்ட்கள் அறிமுகம் செய்யப்பட்ட நிலையில், தற்சமயம் ஜி-ஆப்ஷனல் எனும் புதிய வேரியண்ட் அறிமுகமாகி இருக்கிறது. இது முந்தைய வேரியண்ட்களுக்கு மத்தியில் நிலைநிறுத்தப்பட்டுள்ளது.

    முந்தைய ஆப்ஷனல் மாடல்களை போன்றே புதிய ஜி-ஆப்ஷனல் வேரியண்ட்டில் மேனுவல் மற்றும் சி.வி.டி. என இருவித கியர்பாக்ஸ் ஆப்ஷன்கள் வழங்கப்படுகின்றன. இதன் சி.வி.டி. ஆப்ஷன் விலை ரூ. 10.83 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது.

    டொயோட்டா யாரிஸ்

    புதிய யாரிஸ் ஜி-ஆப்ஷனல் வேரியண்ட்டில் ப்ரோஜெக்டர் ஹெட்லேம்ப்கள், குரோம் கிரில், ORVMகள், 15-இன்ச் சில்வர் அலாய் வீல்கள் வழங்கப்பட்டுள்ளன. காரின் உள்புறம் டூயல்-டோன் கேபின், வாட்டர்ஃபால் டிசைன் கொண்ட் இன்ஸ்ட்ரூமென்ட் கிளஸ்டர், ஆட்டோமேடிக் கிளைமேட் கண்ட்ரோல், 4.2 இன்ச் TFT கலர் இன்ஸ்ட்ரூமென்ட் கிளஸ்டர் டிஸ்ப்ளே, கூல்டு கிளவ்-பாக்ஸ், ரூஃப் மவுன்ட் செய்யப்பட்ட ஏர்-வென்ட்கள் வழங்கப்பட்டுள்ளன.

    பாதுகாப்பிற்கு ஏ.பி.எஸ்., இ.பி.டி., பிரேக் அசிஸ்ட், பின்புறம் பார்க்கிங் சென்சார்கள், சென்ட்ரல் லாக்கிங், ஸ்பீடு சென்சிங் ஆட்டோ டோர் லாக், 3 ஏர்பேக், ஹை-ஸ்பீடு அலெர்ட் உள்ளிட்டவை வழங்கப்பட்டுள்ளன. புதிய மாடலிலும் 1.5 லிட்டர் பெட்ரோல் என்ஜின் வழங்கப்பட்டுள்ளது.

    இந்த என்ஜின் 108 பி.ஹெச்.பி. பவர், 140 என்.எம். டார்க் செயல்திறன் வழங்குகிறது. இத்துடன் 6-ஸ்பீடு மேனுவல் அல்லது 7-ஸ்பீடு சி.வி.டி.-ஐ ஆட்டோமேடிக் டிரான்ஸ்மிஷன் வழங்கப்படுகிறது.
    Next Story
    ×