ராயல் என்பீல்டு நிறுவனம் தனது கிளாசிக் 350 மோட்டார்சைக்கிள் மாடலை இரண்டு புதிய நிறங்களில் அறிமுகம் செய்து உள்ளது. அந்த வகையில் இந்த மோட்டார்சைக்கிள் தற்சமயம் ஆரஞ்சு மற்றும் சில்வர் நிறங்களில் கிடைக்கிறது.
புதிய நிறம் தவிர கிளாசிக் 350 மாடல் மேக் இட் யுவர்ஸ் ஆப்ஷன் வழங்கப்படுகிறது. இதில் பயனர்கள் விரும்பும் வகையில் கிளாசிக் 350 மாடலை கஸ்டமைஸ் செய்து கொள்ள முடியும். இதனை ஆன்லைன் புக்கிங் செய்யும் முன் மேற்கொள்ள வேண்டும்.
நிறம் தவிர ராயல் என்பீல்டு கிளாசிக் 350 மாடல் அலாய் வீல், டியூப்லெஸ் டையர்களுடன் வழங்கப்படுகிறது. இந்த வேரியண்ட் முன்பதிவு துவங்கிவிட்டது. இந்தியாவில் இதன் விலை ரூ. 1.83 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.
ராயல் என்பீல்டு கிளாசிக் 350 மாடலில் 350 சிசி, சிங்கிள் சிலிண்டர், பியூவல் இன்ஜெக்ட் செய்யப்பட்ட என்ஜின் வழங்கப்பட்டு உள்ளது. இந்த என்ஜின் 19.2 பிஹெச்பி பவர், 28 என்எம் டார்க் செயல்திறன் மற்றும் 5 ஸ்பீடு கியர்பாக்ஸ் வழங்கப்பட்டு இருக்கிறது.
