ஹீரோ மோட்டோகார்ப் நிறுவனம் தனது மேஸ்ட்ரோ எட்ஜ் 110 பிஎஸ்6 ஸ்கூட்டர் மாடலின் விலையை அதிகாரப்பூர்வமாக அறிவித்து இருக்கிறது. இந்த ஸ்கூட்டர் அந்நிறுவனத்தின் வலைதளத்தில் பட்டியலிடப்பட்டு உள்ளது.
இரண்டு வேரியண்ட்களில் கிடைக்கும் புது மேஸ்ட்ரோ எட்ஜ் 110 பிஎஸ்6 மாடல் விலை ரூ. 60,950 என நிர்ணயம் செய்யப்பட்டு உள்ளது. இதன் அலாய் வீல் மாடல் விலை ரூ. 62,450 என நிர்ணயம் செய்யப்பட்டு இருக்கிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
புதிய ஹீரோ மேஸ்ட்ரோ எட்ஜ் 110 பிஎஸ்6 மாடலில் 110.9சிசி சிங்கில் சிலிண்டர் என்ஜின் வழங்கப்பட்டு உள்ளது. இந்த என்ஜின் 8 பிஹெச்பி பவர், 8.75 என்எம் டார்க் செயல்திறன் வழங்குகிறது.
இந்த ஸ்கூட்டர் மிட்நைட் புளூ, சீல் சில்வர், கேன்டி பிளேசிங் ரெட், பியல் பேட்லெஸ் வைட், பேந்தர் பிளாக் மற்றும் டெக்னோ புளூ உள்ளிட்ட நிறங்களில் கிடைக்கிறது. இவை ஒவ்வொன்றுடன் வித்தியாசமான கிராபிக்ஸ் வழங்கப்படுகிறது.
