search icon
என் மலர்tooltip icon

    ஆட்டோமொபைல்

    ஹோண்டா சிபிஆர்1000ஆர்ஆர் ஆர் ஃபயர்பிளேடு
    X
    ஹோண்டா சிபிஆர்1000ஆர்ஆர் ஆர் ஃபயர்பிளேடு

    2020 ஹோண்டா சிபிஆர்1000ஆர்ஆர் ஆர் ஃபயர்பிளேடு முன்பதிவு விவரம்

    ஹோண்டா மோட்டார்சைக்கிள்ஸ் நிறுவனத்தின் 2020 ஹோண்டா சிபிஆர்1000ஆர்ஆர் ஆர் ஃபயர்பிளேடு முன்பதிவு விவரங்களை தொடர்ந்து பார்ப்போம்.


    ஹோண்டா நிறுவனம் 2020 சிபிஆர்1000ஆர்ஆர் ஆர் ஃபயர்பிளேடு மாடலின் முன்பதிவுகள் இந்தியாவில் துவங்கி உள்ளது. புதிய ஹோண்டா மோட்டார்சைக்கிள் வரும் வாரங்களில் இந்திய சந்தையில் அறிமுகமாக உள்ளது. இது உயர் ரக அம்சங்கள் நிறைந்த எஸ்பி வெர்ஷனில் கிடைக்கும் என தெரிகிறது.

    சிபிஆர் ஆர்ஆர் ஆர் ஃபயர்பிளேடு மாடல் ஹோண்டா ஆர்சி213வி எஸ் போன்ற ஸ்டைலிங் கொண்டிருக்கிறது. இதில் ட்வின் எல்இடி ஹெட்லேம்ப்கள், பல்வேறு ஏர் வேன்ட்கள் மற்றும் கூர்மையான டெயில் பகுதி வழங்கப்பட்டு உள்ளது. இதன் ஃபேரிங் ஹோண்டாவின் மோட்டோ ஜிபி மெஷினில் இருப்பது போன்று வடிவமைக்கப்பட்டு இருக்கிறது.

     ஹோண்டா சிபிஆர்1000ஆர்ஆர் ஆர் ஃபயர்பிளேடு

    புதிய மாடலில் ட்வின்-ஸ்பார் அலுமினியம் ஃபிரேமில் 999சிசி இன்லைன் 4 சிலிண்டர் என்ஜின் வழங்கப்பட்டு உள்ளது. இந்த என்ஜின் 215 பிஹெச்பி பவர் வழங்குகிறது. இது முந்தைய மாடலை விட 29 பிஹெச்பி அதிக செயல்திறன் வழங்குகிறது. இத்துடன் திராட்டிள் பை வையர், மூன்று ரைடிங் மோட்கள், 9 லெவல் டிராக்ஷன் கண்ட்ரோல் உள்ளிட்டவை வழங்கப்பட்டு உள்ளது.

    ஹோண்டா சிபிஆர் 1000ஆர்ஆர் ஆர் மாடல் கிராண்ட் ப்ரிக்ஸ் ரெட் மற்றும் மேட் பியல் மோரியன் பிளாக் நிறங்களில் கிடைக்கிறது. எஸ்பி வேரியண்ட் கிராண்ட் ப்ரிக்ஸ் ரெட் நிற ஆப்ஷனில் கிடைக்கிறது. இந்த நிறம் தவிர இரண்டு வேரியண்ட்களும் வெவ்வேறு ஹார்டுவேர் அம்சங்களை கொண்டிருக்கின்றன.
    Next Story
    ×