இந்தியாவில் ஜாவா பெராக் விநியோகம் துவக்கம்

கிளாசிக் லெஜண்ட்ஸ் நிறுவனம் இந்தியாவில் புதிய ஜாவா பெராக் மோட்டார்சைக்கிள் விநியோகம் துவங்கி உள்ளது. ஜாவா பெராக் முதல் மாடல் ஐதராபாத்தில் உள்ள வாடிக்கையாளருக்கு விநியோகம் செய்யப்பட்டது. 

இந்தியாவில் கடந்த ஆண்டு நவம்பர் மாதம் அறிமுகம் செய்யப்பட்ட ஜாவா பெராக் முன்பதிவு இந்த ஆண்டு ஜனவரி மாதம் துவங்கியது. எனினும், கொரோனா வைரஸ் ஊரடங்கு காரணமாக இதன் உற்பத்தி மற்றும் விநியோக பணிகள் தாமதமாகின. 

ஜாவா பெராக் மோட்டார்சைக்கிள் மாடல் இந்திய சந்தையில் விலை ரூ. 1.94 லட்சம், எக்ஸ் ஷோரூம் என நிர்ணயம் செய்யப்பட்டு உள்ளது. 

ஜாவா பெராக் மோட்டார்சைக்கிளில் 334சிசி, சிங்கிள் சிலிண்டர், லிக்விட் கூல்டு என்ஜின் வழங்கப்பட்டு உள்ளது. இந்த என்ஜின் 30 பிஹெச்பி பவர், 31 என்எம் டார்க் செயல்திறன் வழங்குகிறது.