search icon
என் மலர்tooltip icon

    ஆட்டோமொபைல்

    ஜாவா பெராக்
    X
    ஜாவா பெராக்

    ஜாவா பெராக் விநியோக விவரம்

    ஜாவா நிறுவனத்தின் புதிய பெராக் மோட்டார்சைக்கிள் மாடலின் விநியோக விவரங்களை தொடர்ந்து பார்ப்போம்.


    இந்திய சந்தையில் புதிய ஜாவா பெராக் மோட்டார்சைக்கிள் விநியோகம் ஜூலை 20 ஆம் தேதி துவங்க இருக்கிறது. இதனை ஜாவா நிறுவனம் தனது அதிகாரப்பூர்வ சமூக வலைதள பக்கங்களில் பதிவிட்டு உள்ளது. 

    ஜாவா பெராக் மோட்டார்சைக்கிள் மாடலுக்கான முன்பதிவு இந்த ஆண்டு ஜனவரி மாதம் துவங்கியது. கொரோனா வைரஸ் பாதிப்பு காரணமாக பல்வேறு நிறுவனங்களும் தங்களது பணிகளை முடக்கும் சூழ்நிலைக்கு தள்ளப்பட்டன. தற்சமயம் ஊரடங்கில் தளர்வுகள் அறிவிக்கப்பட்டு வருகிறது. 

     ஜாவா பெராக்

    இதன் காரணமாக ஜாவா தனது பாபர் ஸ்டைல் மோட்டார்சைக்கிள் மாடலான பெராக் மாடலின் விநியோகத்தை துவங்க திட்டமிட்டு இருக்கிறது. இந்தியாவில் பெராக் மோட்டார்சைக்கிள் மாடல் விலை ரூ. 1.94 லட்சம், எக்ஸ் ஷோரூம் என நிர்ணயம் செய்யப்பட்டு உள்ளது. 

    ஜாவா பெராக் மோட்டார்சைக்கிளில் 334சிசி, சிங்கிள் சிலிண்டர், லிக்விட் கூல்டு என்ஜின் வழங்கப்பட்டு உள்ளது. இந்த என்ஜின் 30 பிஹெச்பி பவர், 31 என்எம் டார்க் செயல்திறன் வழங்குகிறது.
    Next Story
    ×