search icon
என் மலர்tooltip icon

    ஆட்டோமொபைல்

    2020 ஹோண்டா ஆப்ரிக்கா ட்வின்
    X
    2020 ஹோண்டா ஆப்ரிக்கா ட்வின்

    இந்தியாவில் 2020 ஹோண்டா ஆப்ரிக்கா ட்வின் விநியோகம் துவக்கம்

    ஹோண்டா நிறுவனத்தின் 2020 ஹோண்டா ஆப்ரிக்கா ட்வின் மோட்டார்சைக்கிள் விநியோகம் துவங்கி உள்ளது.

    ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனத்தின் 2020 ஹோண்டா சிஆர்எஃப்1100எல் ஆப்ரிக்கா ட்வின் அட்வென்ச்சர் ஸ்போர்ட்ஸ் மோட்டார்சைக்கிள் விநியோகம் துவங்கப்பட்டு உள்ளது. 

    இந்தியாவில் இந்த மோட்டார்சைக்கிள் 6 ஸ்பீடு மேனுவல் கியர்பாக்ஸ் மற்றும் 7 ஸ்பீடு டூயல் கிளட்ச் ஆட்டோமேடிக் கியர்பாக்ஸ் என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 15.35 லட்சம் மற்றும் ரூ. 16.10 லட்சம் என நிர்ணயம் செய்யப்பட்டு இருக்கிறது.

    மார்ச் மாத துவக்கத்தில் இந்திய சந்தையில் அறிமுகமான 2020 ஆப்ரிக்கா ட்வின் மாடல்கள் தற்சமயம் வாடிக்கையாளர்களுக்கு விநியோகம் செய்யப்படுகிறது. முதல் மோட்டார்சைக்கிள் குர்கிராமில் உள்ள வாடிக்கையாளருக்கு விநியோகம் செய்யப்பட்டது.  
     2020 ஹோண்டா ஆப்ரிக்கா ட்வின்
    ஸ்டான்டர்டு அம்சங்களை பொருத்தவரை இரு வேரியண்ட்களிலும் 6.5 இன்ச் தொடுதிரை வசதி கொண்ட இன்ஸ்ட்ரூமென்ட் கிளஸ்டர், ப்ளூடூத் கனெக்டிவிட்டி மற்றும் ஆப்பிள் கார்பிளே உள்ளிட்டவை வழங்கப்பட்டுள்ளது. 

    இத்துடன் ஹோண்டா செலக்டபில் டிராக்‌ஷன் கண்ட்ரோல், 6 ஆக்சிஸ் இனெர்ஷியல் மெஷர்மென்ட் யூனிட், மூன்று நிலைகளில் வீலி கண்ட்ரோல் சிஸ்டம், கார்னெரிங் லைட்கள், எல்.இ.டி. ஹெட்லேம்ப்கள் வழங்கப்பட்டுள்ளன. 2020 ஹோண்டா ஆஃப்ரிக்கா ட்வின் மாடலில் நான்கு நிலைகளில் என்ஜின் செயல்திறன் மற்றும் மூன்று நிலைகளில் எலெக்டிரானிக் என்ஜின் பிரேக்கிங் வழங்கப்பட்டுள்ளன. 

    2020 ஹோண்டா ஆஃப்ரிக்கா ட்வின் 1084 சிசி பேரலெல் ட்வின் என்ஜின் 101 பி.ஹெச்.பி. @7500 ஆர்பிஎம், 105 என்எம் டார்க் @6250 ஆர்பிஎம் செயல்திறன் வழங்குகிறது. இத்துடன் மேனுவல் அல்லது டூயல் கிளட்ச் டிரான்ஸ்மிஷன் வழங்கப்பட்டுள்ளது.
    Next Story
    ×