இந்தியாவில் யமஹா மோட்டார்சைக்கிள்கள் விலை அதிரடி மாற்றம்

யமஹா மோட்டார் இந்தியா நிறுவனம் தனது மோட்டார்சைக்கிள் மாடல்களின் விலையை சத்தமில்லாமல் உயர்த்தியுள்ளது. அதன்படி யமஹா ஆர்15, எம்டி 15, எஃப்இசட்15 மற்றும் எஃப்இசட்எஸ் மாடல்களின் விலை உயர்த்தப்பட்டுள்ளது. புதிய விலை விவரங்கள் அந்நிறுவன வலைதளத்தில் ஏற்கனவே மாற்றப்பட்டுள்ளது. 

ஒவ்வொரு மாடலின் விலையும் ரூ. 1000 வரை உயர்த்தப்பட்டுள்ளது. யமஹா ஆர்15 வெர்ஷன் 3 மூன்று நிறங்களில் கிடைக்கிறது. டாப் எண்ட் மாடலான ஆர்15 ரேசிங் புளூ மாடல் ரூ. 1000 உயர்த்தப்பட்டு தற்சமயம் ரூ. 1,46,900, எக்ஸ் ஷோரூம் விலையில் விற்பனை செய்யப்படுகிறது.

யமஹா எம்டி 15 மாடலின் விலை ரூ. 500 உயர்த்தப்பட்டு தற்சமயம் ரூ. 1,39,900, எக்ஸ் ஷோரூம் விலையில் விற்பனை செய்யப்படுகிறது. யமஹா எஃப்இசட் எஃப்ஐ மற்றும் எஃப்இசட்எஸ் எஃப்ஐ மால்களின் விலை ரூ. 500 உயர்த்தப்பட்டுள்ளது. அதன் படி இவை முறையே ரூ. 99,700 மற்றும் ரூ. 1,01,200 விலையில் விற்பனை செய்யப்படுகின்றன.