search icon
என் மலர்tooltip icon

    ஆட்டோமொபைல்

    டாமினர் 250 டீசர் ஸ்கிரீன்ஷாட்
    X
    டாமினர் 250 டீசர் ஸ்கிரீன்ஷாட்

    பஜாஜ் டாமினர் 250 டீசர் வீடியோ வெளியீடு

    பஜாஜ் ஆட்டோ நிறுவனத்தின் புதிய டாமினர் 250 மோட்டார்சைக்கிளுக்கான வீடியோ டீசர் அதிகாரப்பூர்வமாக வெளியிடப்பட்டுள்ளது.



    பஜாஜ் ஆட்டோ நிறுவனம் டாமினர் 250 மோட்டார்சைக்கிள் மாடலுக்கான டீசரினை அதிகாரப்பூர்வமாக வெளியிட்டுள்ளது. புதிய பஜாஜ் டாமினர் 250 வரும் நாட்களில் விற்பனைக்கு வரயிருக்கிறது.

    டீசர் வீடியோவில் பஜாஜ் டாமினர் 250 இடம்பெறவில்லை என்ற போதும், இது விரைவில் அறிமுகம் செய்யப்படும் எனும் தகவல் மட்டும் தெரிவிக்கப்பட்டு இருக்கிறது. அறிமுக நிகழ்வுக்கு முன் டாமினர் 250 மாடலின் ஸ்பை படங்கள் இணையத்தில் லீக் ஆகியிருந்தது.

    தோற்றத்தில் டாமினர் 250 மாடல் பார்க்க டாமினர் 400 போன்றே காட்சியளிக்கிறது. மேலும் டாமினர் 250 சிவப்பு நிறத்தில் டி250 பேட்ஜ் கொண்டிருக்கிறது.

    டாமினர் 250 டீசர் ஸ்கிரீன்ஷாட்

    புதிய டாமினர் 250 மோட்டார்சைக்கிளில் 249 சிசி சிங்கிள் சிலிண்டர் லிக்விட் கூல்டு என்ஜின் வழங்கப்படுகிறது. இதே என்ஜின் கே.டி.எம். டியூக் 250 மாடலிலும் வழங்கப்பட்டு இருக்கிறது. புதிய டாமினரில் இந்த என்ஜின் செயல்திறன் சற்றே குறைவாக இருக்கும் என தெரிகிறது. இத்துடன் 6 ஸ்பீடு கியர்பாக்ஸ் வழங்கப்படலாம்.

    இந்தியாவில் பஜாஜ் டாமினர் 250 விலை ரூ. 1.50 லட்சத்தில் துவங்கி அதிகபட்சம் ரூ. 1.6 லட்சம் வரை நிர்ணயம் செய்யப்படலாம் என எதிர்பார்க்கப்படுகிறது. புதிய டாமினர் 250 முன்பதிவுகள் விரைவில் துவங்கி விநியோகம் அறிமுக நிகழ்வையொட்டி துவங்கும் என கூறப்படுகிறது.
    Next Story
    ×