search icon
என் மலர்tooltip icon

    ஆட்டோ டிப்ஸ்

    விரைவில் இந்தியா வரும் பிரீமியம் எடிஷன் ஆக்டிவா 6ஜி
    X

    விரைவில் இந்தியா வரும் பிரீமியம் எடிஷன் ஆக்டிவா 6ஜி

    • ஹோண்டா நிறுவனத்தின் முற்றிலும் புதிய ஆக்டிவா 6ஜி மாடல் இந்திய சந்தையில் அறிமுகம் செய்யப்பட இருக்கிறது.
    • புதிய ஸ்கூட்டர் காஸ்மெடிக் மாற்றங்களுடன் விற்பனைக்கு வருகிறது.

    ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது அதிகம் விற்பனையாகும் ஸ்கூட்டர் ஆக்டிவா மாடலின் புது வெர்ஷனை அறிமுகம் செய்வதற்கான பணிகளில் ஈடுபட்டு வருகிறது. முதன் முதலில் வெளியான டீசர்களில் இது ஆக்டிவா 7ஜி மாடலாக இருக்கும் என கூறப்பட்டது. எனினும், புதிய டீசரில் இது ஆக்டிவா 6ஜி மாடலின் புது வேரியண்ட் என தெரியவந்துள்ளது.

    புது வேரியண்ட் காஸ்மெடிக் மாற்றங்களுடன் அறிமுகமாகும் என தெரிகிறது. இந்த மாடலின் முன்புற அப்ரோன், பக்கவாட்டு பகுதிகளில் கோல்டன் நிற ஆக்டிவா மற்றும் பிரீமியம் பேட்ஜ்கள் வழங்கப்பட்டு இருக்கிறது. இத்துடன் டூயல் டோன் மிரர்கள், டூயல் டோன் சீட் வழங்கப்படுகிறது. இத்துடன் புதிதாக மேட் கிரீன் நிற பெயிண்ட் கொண்டிருக்கிறது.


    தற்போதைய ஆக்டிவா 6ஜி மாடலில் எக்ஸ்டர்னல் பியூவல் பில்லர் கேப், என்ஜின் ஸ்டார்ட்-ஸ்டாப் ஸ்விட்ச், சைலண்ட் ஸ்டார்டர், 5.3 லிட்டர் பியூவல் டேன்க், சீட் மற்றும் எக்ஸ்டெர்னல் பில்லர் மூடியை கழற்றும் டூயல் பன்ஷன் ஸ்விட்ச் வழங்கப்பட்டு உள்ளது. புதிய பிரீமியம் வேரியண்டில் கூடுதல் அம்சங்கள் வழங்கப்படுமா என்பது கேள்விக்குறியாகவே உள்ளது.

    ஹார்டுவேரை பொருத்தவரை புதிய ஆக்டிவா 6ஜி பிரீமியம் எடிஷனிலும் 109.5சிசி என்ஜினே வழங்கப்படும் என தெரிகிறது. இந்த என்ஜின் 7.68 ஹெச்பி பவர் வெளிப்படுத்தும் திறன் கொண்டுள்ளது. இந்த என்ஜினுடன் CVT கியர்பாக்ஸ் வழங்கப்படுகிறது. இத்துடன் 12-10 இன்ச் வீல்கள், டெலிஸ்கோபிக் ஃபோர்க், மோனோ ஷாக் யூனிட், இருபுறங்களிலும் டிரம் பிரேக்குகள் வழங்கப்பட்டு இருக்கின்றன.

    Next Story
    ×