ஐ20 என் லைன் வெளியீட்டு தேதியை அறிவித்த ஹூண்டாய்

ஹூண்டாய் மோட்டார் இந்தியா நிறுவனம் என் லைன் சீரிஸ் இந்திய வெளியீட்டை சமீபத்தில் உறுதிப்படுத்தியது. இந்த மாடல் ஆகஸ்ட் 24 ஆம் தேதி இந்தியாவில் அறிமுகம் செய்யப்பட இருக்கிறது. அடுத்த வாரம் அறிமுகமாகும் நிலையில், இதன் விற்பனை சில வாரங்களில் துவங்குகிறது.

ஐ20 என் லைன் மட்டுமின்றி வரும் ஆண்டுகளில் மேலும் சில என் லைன் மாடல்களை அறிமுகம் செய்ய ஹூண்டாய் நிறுவனம் திட்டமிட்டுள்ளது. 

தோற்றத்தில் புதிய ஐ20 என் லைன் மாடல் தற்போது சர்வதேச சந்தையில் விற்பனையாகும் மாடலை விட சற்றே வித்தியாசமாக இருக்கும் என தெரிகிறது. இந்த மாடல் கேஸ்கேடிங் கிரில், என் லைன் லோகோ, என் லைன் சார்ந்த ஸ்டைலிங் கொண்டிருக்கிறது. 

ஹூண்டாய் ஐ20 என் லைன் மாடலில் 1 லிட்டர் டர்போ ஜி.டி.ஐ. என்ஜின் வழங்கப்படுகிறது. இந்த என்ஜின் 118 பி.ஹெச்.பி. திறன், 172 நியூட்டன் மீட்டர் டார்க் இழுவிசையை வழங்குகிறது.