என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
பிரபல மிட்-சைஸ் எஸ்.யு.வி. விற்பனையை நிறுத்தும் ரெனால்ட்
Byமாலை மலர்21 July 2021 9:59 AM GMT (Updated: 21 July 2021 9:59 AM GMT)
இந்தியாவில் ரெனால்ட் நிறுவனத்தின் டஸ்டர் மாடல் உற்பத்தி நிறுத்தப்படுவதாக தகவல் வெளியாகி உள்ளது.
ரெனால்ட் டஸ்டர் மாடல் விற்பனை நிறுத்தப்படுவதாக தகவல் வெளியாகி உள்ளது. டஸ்டர் மிட்-சைஸ் எஸ்.யு.வி. மாடல் உற்பத்தி இந்தியாவில் நிறுத்தப்பட்டு புதிய தலைமுறை டஸ்டர் மாடல் அறிமுகம் செய்யப்படுகிறது. இந்திய சந்தையின் மிட்-சைஸ் எஸ்.யு.வி. பிரிவில் டஸ்டர் மாடல் 2012 வாக்கில் களமிறங்கியது.
அறிமுகமானது முதல் இந்திய சந்தையில் புதிய டஸ்டர் மாடல் அமோக வரவேற்பை பெற்றது. பின் பல்வேறு புது மாடல்கள் அறிமுகமாவது, புது அப்டேட்களை பெறுவது போன்ற காரணங்களால் டஸ்டர் விற்பனை சரிய துவங்கியது. பி.எஸ். 6 அப்டேட் செய்யப்பட்டதும் டஸ்டர் மாடலில் டீசல் என்ஜின் மற்றும் AWD வேரியண்ட் விற்பனையை ரெனால்ட் நிறுத்தியது.
அந்த வரிசையில், தற்போது விற்பனை செய்யப்படும் டஸ்டர் மாடல் உற்பத்தியை அக்டோபர் 2021 மாதத்தில் நிறுத்த ரெனால்ட் திட்டமிட்டு வருகிறது. இதைத் தொடர்ந்து சமீபத்தில் சர்வதேச சந்தையில் அறிமுகம் செய்யப்பட்ட டஸ்டர் மாடல் அடுத்த ஆண்டு இந்தியாவில் விற்பனைக்கு வருகிறது.
புதிய தலைமுறை டஸ்டர் மாடலில் பல்வேறு புது அம்சங்கள் வழங்கப்படும் என்றும் இந்த மாடல் இருவித என்ஜின் ஆப்ஷன்களில் விற்பனைக்கு வரும் என்றும் கூறப்படுகிறது. தற்போதைய டஸ்டர் மாடல் 1.5 லிட்டர் மற்றும் 1.3 லிட்டர் டர்போ பெட்ரோல் என்ஜின் ஆப்ஷன்களில் கிடைக்கிறது. இந்த என்ஜின்கள் முறையே 154 பி.ஹெச்.பி. பவர், 105 பி.ஹெச்.பி. பவர் வழங்குகின்றன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X