மாருதி சுசுகி நிறுவனம் புதிய ஸ்விப்ட் பேஸ்லிப்ட் மாடலுக்கான டீசரை வெளியிட்டு இருக்கிறது. புதிய ஸ்விப்ட் மாடல் காஸ்மெடிக் மாற்றங்கள், உள்புற அப்டேட், மெக்கானிக்கல் மாற்றங்களை பெறும் என தெரிகிறது. ஏற்கனவே ஸ்விப்ட் பேஸ்லிப்ட் மாடல் பல்வேறு நாடுகளில் அறிமுகம் செய்யப்பட்டுவிட்டது. அந்த வரிசையில் இது இந்தியாவில் அறிமுகமாக இருக்கிறது.
இந்திய சந்தையில் 2017 ஆண்டு அறிமுகம் செய்யப்பட்ட மாருதி சுசுகி ஸ்விப்ட் மூன்றாம் தலைமுறை மாடல் ஆகும். அந்த வகையில் புதி பேஸ்லிப்ட் மாடல் அதிக அப்டேட்களை பெறும் என எதிர்பார்க்கப்படுகிறது. டீசரில் புது வேரியண்ட் பற்றி எந்த தகவலும் இடம்பெறவில்லை.
காரின் பக்கவாட்டு மற்றும் பின்புறங்களில் பெருமளவு மாற்றம் செய்யப்படாது என தெரிகிறது. புதிய ஸ்விப்ட் பேஸ்லிப்ட் மாடல் டூயல்-டோன் நிறங்களில் கிடைக்கும் என கூறப்படுகிறது. எனினும், இது டாப் எண்ட் வேரியண்ட்டில் மட்டுமே கிடைக்கும் என தெரிகிறது.
உள்புறம் அதிக மாற்றங்கள் செய்யப்படாது என்றும் இதன் தோற்றம், டேஷ்போர்டு, கேபின் உள்ளிட்டவை தற்போதைய மாடலில் உள்ளதை போன்றே வழங்கப்படும் என கூறப்படுகிறது. அதன்படி புது மாடலில் 7 அங்குல தொடுதிரை வசதி கொண்ட இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, செமி டிஜிட்டல் இன்ஸ்ட்ரூமென்ட் கிளஸ்டர், புஷ் பட்டன் ஸ்டார்ட் / ஸ்டாப், ஆட்டோமேடிக் கிளைமேட் கண்ட்ரோல், ஹில்-ஹோல்டு அசிஸ்ட் உள்ளிட்டவை வழங்கப்படலாம்.
