search icon
என் மலர்tooltip icon

    ஆட்டோமொபைல்

    மாருதி சுசுகி ஸ்விப்ட்
    X
    மாருதி சுசுகி ஸ்விப்ட்

    இணையத்தில் வெளியான 2021 மாருதி சுசுகி ஸ்விப்ட் ஸ்பை படங்கள்

    மாருதி சுசுகி நிறுவனத்தின் புதிய 2021 ஸ்விப்ட் மாடல் ஸ்பை படங்கள் இணையத்தில் வெளியாகி இருக்கின்றன.


    மாருதி சுசுகி நிறுவனம் தனது ஸ்விப்ட் ஹேட்ச்பேக் மாடலின் 2021 எடிஷனை உருவாக்கும் பணிகளில் ஈடுபட்டு வருவதாக கூறப்படுகிறது. இந்த மாடலின் வெளிப்புறம் மற்றும் உள்புறங்களில் காஸ்மெடிக் மா்றங்கள் செய்யப்படலாம் என எதிர்பார்க்கப்படுகிறது.

    புதிய பேஸ்லிப்ட் மாடல் ஏற்கனவே பல்வேறு நாடுகளில் விற்பனை செய்யப்படுகிறது. புதிய ஸ்விப்ட் ஹேட்ச்பேக் மாடல் தற்சமயம் இந்திய சந்தையில் அறிமுகம் செய்யப்பட இருக்கிறது. வெளியீட்டுக்கு முன் இந்த மாடல் இந்தியாவில் சோதனை செய்யப்படும் போது எடுக்கப்பட்ட படங்கள் இணையத்தில் வெளியாகி இருக்கிறது.

     மாருதி சுசுகி ஸ்விப்ட்

    ஸ்பை படங்களில் புதிய கார் முழுமையாக மறைக்கப்படாத நிலையில் காட்சியளிக்கிறது. எனினும், முன்புற கிரில் மட்டும் மறைக்கப்பட்டு இருக்கிறது. இதனால் புதிய ஸ்விப்ட் மாடல் சர்வதேச மாடலில் உள்ளதை போன்ற டைமண்ட்-ஸ்டட்-பேட்டன் கொண்ட மெஷ் கிரில் கொண்டிருக்கும் என்றே தெரிகிறது.

    முன்புற கிரில் மட்டுமின்றி 2021 ஸ்விப்ட் மாடலில் டூயல் டோன் பெயின்ட், புதிய அலாய் வீல்கள் வழங்கப்படலாம் என கூறப்படுகிறது. இந்த காரின் உள்புறம் தற்போதைய மாடலில் உள்ளதை போன்றே இருக்கும் என எதிர்பார்க்கப்படுகிறது. 

    Next Story
    ×