கேடிஎம் 250 அட்வென்ச்சர் மாடல் இந்திய வெளியீட்டு விவரம்

கேடிஎம் நிறுவனம் இந்தியாவில் புதிய 250 அட்வென்ச்சர் மாடல் அக்டோபர் மாத வாக்கில் அறிமுகமாக இருப்பதாக தகவல் வெளியாகி உள்ளது. முன்னதாக கேடிஎம் 250 அட்வென்ச்சர் மாடல் ஸ்பை படங்கள் பலமுறை இணையத்தில் வெளியாகி இருக்கின்றன.

புதிய மோட்டார்சைக்கிள் பண்டிகை காலக்கட்டத்தை முன்னிட்டு திட்டமிட்டதை விட முன்கூட்டியே அறிமுகமாக இருப்பதாக தகவல் வெளியாகி உள்ளது.  

கேடிஎம் 250 அட்வென்ச்சர் மோட்டார்சைக்கிள் என்ட்ரி லெவல் மாடலாக இருக்கும் என தெரிகிறது. இது தோற்றத்தில் கேடிஎம் 390 அட்வென்ச்சர் போன்றே காட்சியளிக்கிறது.  

என்டரி லெவல் கேடிஎம் 250 அட்வென்ச்சர் மாடலில் 248.8சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட இருக்கிறது. இந்த என்ஜின் 30 பிஹெச்பி பவர், 24 என்எம் டார்க் செயல்திறன் வழங்குகிறது.