ஹூண்டாய் மோட்டார் விற்பனை சரிவு

ஹூண்டாய் மோட்டார் நிறுவனம் இந்த ஆண்டு பிப்ரவரியில் ஒட்டுமொத்தமாக 48,910 கார்களை விற்பனை செய்துள்ளது. கடந்த ஆண்டு பிப்ரவரி மாதத்தில் அது 54,518 கார்களாக இருந்தது. ஆக, விற்பனை 10.3 சதவீதம் சரிவடைந்துள்ளது. 

உள்நாட்டில் இந்நிறுவனத்தின் கார்கள் விற்பனை 7.2 சதவீதம் குறைந்து (43,110-ல் இருந்து) 40,010-ஆக குறைந்து இருக்கிறது. கடந்த பிப்ரவரி மாதத்தில் இந்நிறுவனம் மொத்தம் 8,900 கார்களை ஏற்றுமதி செய்துள்ளது. கடந்த ஆண்டின் இதே மாதத்தில் அது 11,408-ஆக இருந்தது. ஆக, ஏற்றுமதி 22 சதவீதம் சரிவடைந்துள்ளது.

இதேபோன்று மஹிந்திரா அண்டு மஹிந்திரா நிறுவனம் மொத்தம் 32,476 வாகனங்களை விற்பனை செய்துள்ளது. 2019 பிப்ரவரியில் அது 56,005-ஆக இருந்தது. ஆக, விற்பனை 42 சதவீதம் சரிவடைந்து இருக்கிறது. இதில் உள்நாட்டு விற்பனை 42 சதவீதம் குறைந்து 30,637-ஆக இருக்கிறது.