search icon
என் மலர்tooltip icon

    ஆட்டோமொபைல்

    வாகனங்கள்
    X
    வாகனங்கள்

    நவம்பர் மாதத்தில் மோட்டார் வாகனங்கள் விற்பனை 12 சதவீதம் சரிவு

    இந்திய ஆட்டோமொபைல் சந்தையில் மோட்டார் வாகனங்கள் விற்பனை 12 சதவீதம் சரிவடைந்து இருக்கிறது.



    இந்தியாவில் நவம்பர் மாதத்தில் மோட்டார் வாகனங்கள் விற்பனை 12 சதவீதம் சரிவடைந்துள்ளதாக இந்திய மோட்டார் வாகன தயாரிப்பாளர்கள் சங்கம் (சியாம்) தெரிவித்துள்ளது.

    கடந்த பல மாதங்களாகவே மோட்டார் வாகனங்கள் விற்பனை தொடர்ந்து சரிவடைந்து வருகிறது. கடந்த அக்டோபர், மாதத்தில் கார், பைக் உள்ளிட்ட அனைத்து வகையான மோட்டார் வாகனங்களின் விற்பனை, ஒட்டுமொத்த அளவில் 13 சதவீதத்திற்கு மேல் குறைந்து 21,76,136-ஆக இருந்தது.

    நவம்பர் மாதத்தில் பயணிகள் வாகனங்கள், இரு சக்கர மற்றும் மூன்று சக்கர வாகனங்கள் மற்றும் வர்த்தக வாகனங்கள் உள்ளிட்ட அனைத்து மோட்டார் வாகனங்களின் விற்பனை, ஒட்டுமொத்த அளவில் 17,92,415-ஆக உள்ளது. கடந்த ஆண்டின் இதே மாதத்தில் அது 20,38,007-ஆக இருந்தது. அந்த வகையில், விற்பனை ஏறக்குறைய 12 சதவீதம் குறைந்துள்ளது.

    வாகனங்கள்

    நவம்பர் மாதத்தில் 2,63,773 பயணிகள் வாகனங்கள் விற்பனை ஆகி இருந்தது. சென்ற ஆண்டின் இதே மாதத்தில் அது 2,66,000-ஆக இருந்தது. ஆக, விற்பனை 0.34 சதவீதம் மட்டும் குறைந்து இருக்கிறது. வர்த்தக வாகனங்கள் விற்பனை 15 சதவீதம் சரிவடைந்து 61,907-ஆக குறைந்துள்ளது. 

    இரு சக்கர வாகனங்கள் விற்பனை 14 சதவீதம் குறைந்து (16,45,783-ல் இருந்து) 14,10,939-ஆக சரிவடைந்து இருக்கிறது. மோட்டார்சைக்கிள்கள் விற்பனை 15 சதவீதம் சரிந்து (10,49,651-ல் இருந்து) 8,93,538-ஆக குறைந்துள்ளது. இவ்வாறு சியாம் புள்ளிவிவரங்கள் கூறுகின்றன.
    Next Story
    ×