search icon
என் மலர்tooltip icon

    ஆட்டோமொபைல்

    பி.எம்.டபிள்யூ. எம்8 கிராண் கூப்
    X
    பி.எம்.டபிள்யூ. எம்8 கிராண் கூப்

    அதிரடி அம்சங்களுடன் பி.எம்.டபிள்யூ. எம்8 கிராண் கூப்

    பி.எம்.டபிள்யூ நிறுவனத்தின் புதிய எம் சீரிஸ் கார் அறிமுகம் செய்யப்பட்டுள்ளது. இதன் முழு விவரங்களை பார்ப்போம்.

    சொகுசு கார்களைத் தயாரிக்கும் பி.எம்.டபிள்யூ. நிறுவனம் ‘எம்’ சீரிசில் அதி நவீன வசதிகளை உள்ளடக்கிய ‘எம்8’ மாடல் கிராண் கூப் காரை காட்சிப்படுத்தி இருக்கிறது.

    இந்த காரில் 4.4 லிட்டர், டுவின் டர்போ சார்ஜ் செய்யப்பட்ட வி8 என்ஜின் வழங்கப்பட்டுள்ளது. இந்த என்ஜின் 600 ஹெச்.பி. திறனை வெளிப்படுத்தக் கூடியதாகும். மேலும் இந்த கார் ஸ்டார்ட் 3.3 விநாடி நேரத்திற்குள் மணிக்கு 0 முதல் 100 கிலோ மீட்டர் வேகத்தை தொட்டு விடமுடியும்.

    பி.எம்.டபிள்யூ. எம்8 கிராண் கூப்


    இந்த கார் மணிக்கு அதிகபட்சமாகம் 306 கிலோமீட்டர் வரை செல்லும். இது நான்கு சக்கர சுழற்சி கொண்டதாக உருவாக்கப்பட்டுள்ளது. தேவைப்பட்டால் பின்புற சக்கர சுழற்சியை மட்டும் தேர்வு செய்து கொள்ளும் வசதியும் வழங்கப்பட்டுள்ளது. இப்போதைக்கு இடது பக்க ஸ்டீரிங் உள்ள மாடலாக இது வடிவமைக்கப்பட்டுள்ளது.

    அமெரிக்கா மற்றும் ஐரோப்பிய நாடுகளை மையமாகக் கொண்டு தயாரிக்கப்பட்டுள்ள இந்த மாடலின் விலை சுமார் ரூ.1.40 கோடி வரை இருக்கும் என்று தெரிகிறது. இந்தியாவுக்கு ஏற்ற மாற்றங்களுடன் (வலது புற ஸ்டீரிங் வசதியோடு) இங்கு அறிமுகம் செய்யப்படலாம் என எதிர்பார்க்கப்படுகிறது.
    Next Story
    ×