டிஸ்னி பிளஸ் ஹாட்ஸ்டார் சந்தாவுடன் பிரீபெயிட் சலுகைகள் அறிமுகம் - ஏர்டெல் அதிரடி!

ஏர்டெல் நிறுவனம் இரண்டு புதிய பிரீபெயிட் சலுகைகளை அறிவித்து இருக்கிறது. இரண்டு புது சலுகைகளுடன் மூன்று மாதங்களுக்கான டிஸ்னி பிளஸ் ஹாட்ஸ்டார் மொபைல் சந்தா இலவசமாக வழங்கப்படுகிறது. இத்துடன் டேட்டா, அன்லிமிடெட் காலிங், தினமும் 100 எஸ்.எம்.எஸ். போன்ற பலன்களும் வழங்கப்படுகிறது. இதுதவிர ஏர்டெல் நிறுவனம் ஏற்கனவே ஒரு வருடத்திற்கான டிஸ்னி பிளஸ் ஹாட்ஸ்டார் சந்தா கொண்ட சலுகைகளை வழங்கி வருகிறது.

முன்னதாக ரிலையன்ஸ் ஜியோ நிறுவனம் டிஸ்னி பிளஸ் ஹாட்ஸ்டார் மொபைல் சந்தா கொண்ட பலன்களை அறிவித்த நிலையில், தற்போது ஏர்டெல் நிறுவனணும் இதே போன்ற சலுகையை அறிவித்து இருக்கிறது. ஜியோ நிறுவனம் அறிவித்த சலுகைகள் 56 நாட்கள் வேலிடிட்டி மற்றும் டேட்டா மட்டும் வழங்குகிறது. 

ஏர்டெல் நிறுவனம் ஒரு மாதத்திற்கான சலுகையில் அதிக விலைக்கு அதிக டேட்டா வழங்குகிறது. இதே போன்று மூன்று மாத சலுகையிலும் அதிக விலைக்கு அதிக டேட்டா வழங்குகிறது.