தொழில்நுட்பச் செய்திகள்
150W சார்ஜிங் கொண்ட ஒன்பிளஸ் ஸ்மார்ட்போன் அறிமுகம் - விலை தெரிஞ்சா ஷாக் ஆகிடுவீங்க!
ஒன்பிளஸ் நிறுவனம் ஏற்கனவே அறிவித்தப்படி இந்திய சந்தையில் புதிய ஒன்பிளஸ் 10R 5ஜி ஸ்மார்ட்போனை அறிமுகம் செய்து இருக்கிறது.
ஒன்பிளஸ் நிறுவனத்தின் புது ஸ்மார்ட்போன் மாடல் இந்தியாவில் அறிமுகம் செய்யப்பட்டது. ஒன்பிளஸ் 10R என அழைக்கப்படும் புது ஸ்மார்ட்போனில் 6.7 இன்ச் FHD+AMOLED ஸ்கிரீன், 120Hz ரிப்ரெஷ் ரேட், மீடியாடெக் டிமென்சிட்டி 8100 மேக்ஸ் பிராசஸர், அதிகபட்சம் 12GB ரேம், 256GB மெமரி வழங்கப்பட்டு இருக்கிறது.
இத்துடன் ஆண்ட்ராய்டு 12 மற்றும் ஆக்சிஜன் ஓ.எஸ். 12.1, மூன்று முக்கிய ஆண்ட்ராய்டு அப்டேட்கள், நான்கு ஆண்டுகளுக்கு செக்யூரிட்டி அப்டேட்கள் வழங்கப்படுகின்றன. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா மற்றும் 16MP செல்ஃபி கேமரா வழங்கப்பட்டு இருக்கிறது.
ஒன்பிளஸ் 10R அம்சங்கள்:
- 6.7 இன்ச் 2412x1080 பிக்சல் FHD+ 120Hz AMOLED டிஸ்ப்ளே
- ஆக்டா கோர் டிமென்சிட்டி 8100-மேக்ஸ் 5nm பிராசஸர்
- மாலி-G510 MC6 GPU
- 8GB LPDDR5 ரேம், 128GB (UFS 3.1) மெமரி
- 12GB LPDDR5 ரேம், 256GB (UFS 3.1) மெமரி
- ஆண்ட்ராய்டு 12 மற்றும் ஆக்சிஜன் ஓ.எஸ். 12
- டூயல் சிம் ஸ்லாட்
- 50MP பிரைமரி கேமரா, f/1.88, LED பிளாஷ்
- 8MP 119° அல்ட்ரா வைடு லென்ஸ், f/2.2
- 2MP மேக்ரோ கேமரா, f/2.4
- 16MP செல்ஃபி கேமரா, f/2.4
- இன் டிஸ்ப்ளே கைரேகை சென்சார்
- யு.எஸ்.பி. டைப் சி ஆடியோ
- 5ஜி, டூயல் 4ஜி வோல்ட்இ, வைபை 6 802.11 ax, ப்ளூடூத் 5.2
- யு.எஸ்.பி. டைப் சி
- 5000mAh பேட்டரி, 80W சூப்பர்வூக் பாஸ்ட் சார்ஜிங்
- 4500mAh பேட்டரி, 150W சூப்பர்வூக் பாஸ்ட் சார்ஜிங்
புதிய ஒன்பிளஸ் 10R ஸ்மார்ட்போனின் 80W மாடல் சியெரா பிளாக் மற்றும் பாரஸ்ட் கிரீன் நிறங்களில் கிடைக்கிறது. இதன் 8GB + 128GB மாடல் விலை ரூ. 38 ஆயிரத்து 999 என்றும் 12GB + 256GB மாடல் விலை ரூ. 42 ஆயிரத்து 999 என நிர்ணயம் செய்யப்பட்டு உள்ளது. ஒன்பிளஸ் 10R 150W மாடல் சியெரா பிளாக் நிறத்தில் மட்டும் கிடைக்கிறது. இதன் 12GB + 256GB மாடல் விலை ரூ. 43 ஆயிரத்து 999 என நிர்ணயம் செய்யப்பட்டு உள்ளது.