தொழில்நுட்பம்
பட்ஜெட் விலையில் இரண்டு பெரிய ஸ்மார்ட் எல்.இ.டி. டி.வி.க்களை அறிமுகம் செய்த கோடாக்
கோடாக் நிறுவனத்தின் உரிமையாளரான சூப்பர் பிளாஸ்டிரானிக்ஸ் லிமிட்டெட் இந்தியாவில் பட்ஜெட் விலையில் இரண்டு பெரிய ஸ்மார்ட் எல்.இ.டி. டி.வி.க்களை அறிமுகம் செய்துள்ளது.
சூப்பர் பிளாஸ்டிரானிக்ஸ் பிரைவேட் லிமிட்டெட் நிறுவனம் இந்தியாவில் இரண்டு புதிய ஸ்மார்ட் டி.வி. மாடல்களை கோடாக் பிராண்டிங்கில் அறிமுகம் செய்துள்ளது. 43-இன்ச் மற்றும் 49-இன்ச் என இருவித அளவுகளில் கிடைக்கும் புதிய டி.வி.க்கள் பட்ஜெட் பிரிவில் அறிமுகமாகி இருக்கின்றன.
கோடாக் 49 இன்ச் டி.வி.
கோடாக் 49 இன்ச் டி.வி. 50FHDXPRO என்ற மாடல் நம்பர் கொண்டிருக்கிறது. இதில் 49-இன்ச் ஃபுல் ஹெச்.டி. 16:9 1920x1080 பிக்சல் டிஸ்ப்ளே வழங்கப்பட்டுள்ளது. 178 டிகிரி வியூவிங் ஆங்கில், 300 நிட்ஸ் பிரைட்னஸ் மற்றும் மெல்லிய பெசல்களை கொண்டிருக்கும் இந்த டி.வி. 1110x110 எம்.எம். அளவில் 12.2 கிலோ எடை கொண்டிருக்கிறது. ஸ்டான்ட் உடன் இந்த டி.வி.யின் எடை 12.3 கிலோ ஆகும்.
புதிய ஸ்மார்ட் டி.வி.யில் 1.3 ஜிகாஹெர்ட்ஸ் டூயல் கோர் கார்டெக்ஸ் ஏ53 பிராசஸர், 1 ஜி.பி. ரேம், 8 ஜி.பி. இன்டெர்னல் மெமரி கொண்டிருக்கிறது. வைபை வசதி கொண்டிருக்கும் இந்த டி.வி.யில் ஆண்ட்ராய்டு 5.1 இயங்குதளம், கோடாக் ஸ்மார்ட் வால் வழங்கப்பட்டுள்ளது.
இத்துடன் LAN, 2 AV IN, 3 யு.எஸ்.பி., 1 வி.ஜி.ஏ., 1 பி.சி. ஆடியோ இன் மற்றும் 3 ஹெச்.டி.எம்.ஐ. போர்ட்கள் வழங்கப்பட்டுள்ளது. ஆடியோவிற்கு டி.வி.யின் கீழ் 20 வாட் ஸ்பீக்கர்கள் வழங்கப்பட்டுள்ளன.
கோடாக் 43 இன்ச் டி.வி.
கோடாக் 43 இன்ச் டி.வி.யில் ஃபுல் ஹெச்.டி. 16:9 1920x1080 பிக்சல் டிஸ்ப்ளே, 178 டிகிரி வியூவிங் ஆங்கில், 600 நிட்ஸ் பிரைட்னஸ் மற்றும் மெல்லிய பெசல்களை கொண்டிருக்கிறது. 970x100 எம்.எம். அளவில் உருவாக்கப்பட்டு இருக்கும் ஸ்மார்ட் டி.வி. ஸ்டான்ட் இல்லாமல் 7.7 கிலோவும், ஸ்டான்ட் உடன் 7.8 கிலோ எடை கொண்டிருக்கிறது.
இந்த டி.வி.யில் 1.5 ஜிகாஹெர்ட்ஸ் குவாட்-கோர் டூயல்-கோர் கார்டெக்ஸ் ஏ53 பிராசஸர், 1 ஜி.பி. ரேம், 8 ஜி.பி. இன்டெர்னல் மெமரி கொண்டிருக்கிறது. இதில் பில்ட்-இன் வைபை, ஆண்ட்ராய்டு 7.1 மற்றும் கோடாக் ஸ்மார்ட் வால் வழங்கப்பட்டுள்ளது.
இத்துடன் LAN, 2 AV IN, 2 யு.எஸ்.பி., 1 பி.சி. ஆடியோ இன் மற்றும் 3 ஹெச்.டி.எம்.ஐ. போர்ட்கள் வழங்கப்பட்டுள்ளது. ஆடியோவிற்கு டி.வி.யின் கீழ் 20 வாட் ஸ்பீக்கர்கள் வழங்கப்பட்டுள்ளன.
இந்தியாவில் கோடாக் 43-இன்ச் டி.வி. விலை ரூ.20,999 என்றும் 49-இன்ச் டி.வி. விலை ரூ.24,999 என நிர்ணயம் செய்யப்பட்டுள்ளது. இரண்டு டி.வி. மாடல்களும் ப்ளிப்கார்ட் தளத்தில் பிரத்யேகமாக விற்பனை செய்யப்படுகிறது.