விவோ வி9 ப்ரோ ஸ்மார்ட்போன் இந்தியாவில் அறிமுகம்

விவோ நிறுவனத்தின் வி9 ப்ரோ ஸ்மார்ட்போன் இந்தியாவில் அறிமுகம் செய்யப்பட்டது. முன்னதாக விவோ வி9 ஸ்மார்ட்போன் 6 ஜிபி ரேம் உடன் இந்தோனேசியாவில் ஜூன் மாதத்தில் அறிமுகம் செய்யப்பட்டது. 

இந்தியாவில் அறிமுகமாகி இருக்கும் வி9 ப்ரோ ஸ்மார்ட்போனில் 6.3 இன்ச் HFD பிளஸ் 19:9 2.5D வளைந்த கிளாஸ் டிஸ்ப்ளே, நாட்ச், 1.75 எம்.எம். மெல்லிய பெசல்கள் மற்றும் ஆன்ட்ராய்டு 8.1 ஓரியோ இயங்குதளம் சார்ந்த ஃபன்டச் ஓ.எஸ். 4.0 இயங்குதளம் வழங்கப்பட்டுள்ளது.

ஸ்னாப்டிராகன் 660 AIE கொண்டிருக்கும் வி9 ப்ரோ ஸ்மார்ட்போனிலும் 6 ஜிபி ரேம் வழங்கப்பட்டுள்ளது. புகைப்படங்களை எடுக்க 13 எம்.பி. பிரைமரி கேமரா, 2 எம்.பி. இரண்டாவது பிரைமரி கேமரா, ஏ.ஐ. போர்டிரெயிட் அம்சம் மற்றும் 16 எம்.பி. செல்ஃபி கேமரா, ஏ.ஐ. செல்ஃபி லைட்டிங் மற்றும் பியூட்டிஃபை அம்சங்கள் வழங்கப்பட்டுள்ளது.

- 6.3 இன்ச் 2280x1080 பிக்சல் ஃபுல் ஹெச்.டி. பிளஸ் 19:9 ஐ.பி.எஸ். டிஸ்ப்ளே

- ஆக்டா-கோர் ஸ்னாப்டிராகன் 660 14nm பிராசஸர்

- அட்ரினோ 512 GPU

- 6 ஜிபி ரேம்

- 64 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஃபன்டச் ஓ.எஸ். 4.0 சார்ந்த ஆன்ட்ராய்டு 8.1 ஓரியோ

- 13 எம்.பி. பிரைமரி கேமரா, எல்.இ.டி. ஃபிளாஷ், f/2.2

- 2 எம்.பி. இரண்டாவது பிரைமரி கேமரா

- 16 எம்.பி. செல்ஃபி கேமரா

- கைரேகை சென்சார்

- 4ஜி வோல்ட்இ, வைபை, ப்ளூடூத்

- 3260 எம்.ஏ.ஹெச். பேட்டரி

விவோ வி9 ப்ரோ ஸ்மார்ட்போன் கருப்பு நிறத்தில் மட்டும் கிடைக்கிறது. ரூ.17,990 என நிர்ணயம் செய்யப்பட்டு இருக்கும் விவோ வி9 ப்ரோ அமேசான் தளத்தில் மட்டும் பிரத்யேகமாக விற்பனை செய்யப்பட இருக்கிறது. #VivoV9pro #smartphone