தொழில்நுட்பம்
எல்.ஜி. ஜி7 பிளஸ் தின்க் ஃபிளாக்ஷிப் ஸ்மார்ட்போன் இந்தியாவில் அறிமுகம்
எல்.ஜி. நிறுவனத்தின் புதிய ஃபிளாக்ஷிப் ஸ்மார்ட்போனாக ஜி7 தின்க் பிளஸ் இந்தியாவில் அறிமுகம் செய்யப்பட்டுள்ளது. இதன் விலை மற்றும் முழு விவரங்களை தொடர்ந்து பார்ப்போம். #LGG7ThinQ
எல்.ஜி. நிறுவனத்தின் ஜி7 பிளஸ் புதிய ஃபிளாக்ஷிப் ஸ்மார்ட்போன் இந்தியாவில் அறிமுகம் செய்யப்பட்டுள்ளது. புதிய ஜி7 பிளஸ் தின்க் ஸ்மார்ட்போனில் 6.1 இன்ச் QHD பிளஸ் 19.5:9 ஃபுல் விஷன் எல்சிடி சூப்பர் பிரைட் டிஸ்ப்ளே, குவால்காம் ஸ்னாப்டிராகன் 845 சிப்செட் மற்றும் 6 ஜிபி ரேம் வழங்கப்பட்டுள்ளது.
கிளாஸ் பேக் மற்றும் கார்னிங் கொரில்லா கிளாஸ் 5 மூலம் பாதுகாக்கப்படும் எல்.ஜி. ஜி7 பிளஸ் தின்க் ஸ்மார்ட்போனில் பாலிஷ் செய்யப்பட்ட மெட்டல் ரிம், IP68 தரச்சான்று பெற்ற வாட்டர் மற்றும் டஸ்ட் ரெசிஸ்டன்ட் வசதி வழங்கப்பட்டு இருக்கிறது. இத்துடன் பிரத்யேக கூகுள் அசிஸ்டண்ட் பட்டன், ஒரு அறையில் எங்கு இருந்தாலும் குரலை அங்கீகரித்து, புரிந்து கொள்ளும் தொழில்நுட்பம் வழங்கப்பட்டுள்ளது.
மற்ற ஸ்மார்ட்போன்களை விட இருமடங்கு அதிக ஒலியெழுப்பும் வகையில் பூம்பாக்ஸ் ஸ்பீக்கர் வழங்கப்பட்டுள்ளது. இத்துடன் DTS:X இருப்பதால் விர்ச்சுவல் 3D சவுன்டு, இயர்போன்களில் அதிகபட்சம் 7.1 சேனல் ஆடியோ மற்றும் தலைசிறந்த ஆடியோ அனுபவத்தை வழங்கும் Hi-Fi குவாட் DAC தொழில்நுட்பம் வழங்கப்பட்டுள்ளது.
எல்.ஜி. ஜி7 பிளஸ் தின்க் சிறப்பம்சங்கள்
– 6.1 இன்ச் 3120×1440 பிக்சல் 19.5:9 ஃபுல் விஷன் சூப்பர் பிரைட் IPS டிஸ்ப்ளே
– கார்னிங் கொரில்லா கிளாஸ் 5
– ஆக்டா-கோர் குவால்காம் ஸ்னாப்டிராகன் 845 சிப்செட்
– அட்ரினோ 630 GPU
– 6 ஜிபி ரேம்
– 128 ஜிபி மெமரி
– மெமரியை கூடுதலாக நீட்டிக்கும் வசதி
– ஆன்ட்ராய்டு 8.0 (ஓரியோ) மற்றும் எல்.ஜி. UX
– ஹைப்ரிட் டூயல் சிம்
– 16 எம்பி பிரைமரி கேமரா, f/1.6
– 16 எம்பி இரண்டாவது பிரைமரி கேமரா, f/1.9, எல்இடி ஃபிளாஷ்
– 8 எம்பி செல்ஃபி கேமரா, f/1.9
– கைரேகை சென்சார்
– பிரத்யேக கூகுள் அசிஸ்டன்ட் பட்டன்
– வாட்டர், டஸ்ட் ரெசிஸ்டண்ட் IP68
– MIL-STD 810G சான்று
– 4ஜி வோல்ட்இ, வைபை, ப்ளூடூத், யுஎஸ்பி டைப்-சி
– 3000 எம்.ஏ.ஹெச். பேட்டரி
– க்விக் சார்ஜ் 3.0, வயர்லெஸ் சார்ஜிங்
எல்.ஜி. ஜி7 பிளஸ் தின்க் ஸ்மார்ட்போன் இந்தியாவில் ரூ.39,990 விலையில் கிடைக்கிறது. இந்த ஸ்மார்ட்போனின் விற்பனை ஆகஸ்டு 10 தேதி முதல் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படுகிறது. இந்தியாவில் புதிய எல்.ஜி. ஜி7 பிளஸ் தின்க் ஸ்மார்ட்போன் ஒன்பிளஸ் 6, அசுஸ் சென்ஃபோன் 5இசட், விவோ நெக்ஸ் போன்ற மாடல்களுக்கு போட்டியாக அமைந்துள்ளது. #LGG7ThinQ #smartphone