பட்ஜெட் விலையில் இந்தியாவில் அறிமுகமான புது ஒப்போ ஸ்மார்ட்போன்

ஒப்போ நிறுவனம் இந்திய சந்தையில் புதிய A17K ஸ்மார்ட்போனினை சத்தமின்றி அறிமுகம் செய்து இருக்கிறது. முன்னதாக ஒப்போ A17 ஸ்மார்ட்போன் அறிமுகம் செய்யப்பட்ட நிலையில், தற்போது A17K அறிமுகமாகி இருக்கிறது. இதில் 6.56 இன்ச் ஹெச்டி பிளஸ் ஸ்கிரீன், வாட்டர் டிராப் நாட்ச் வழங்கப்பட்டு இருக்கிறது.

இந்த ஸ்மார்ட்போன் மீடியாடெக் ஹீலியோ ஜி35 பிராசஸர், 3 ஜிபி ரேம், 4ஜிபி வரை விர்ச்சுவல் ரேம், ஆண்ட்ராய்டு 12 ஒஎஸ் கொண்டிருக்கிறது. புகைப்படங்களை எடுக்க 8MP பிரைமரி கேமரா உள்ளது. இத்துடன் பக்கவாட்டில் கைரேகை சென்சார், IPX4 வாட்டர் ரெசிஸ்டண்ட் வசதி மற்றும் 5000 எம்ஏஹெச் பேட்டரி வழங்கப்பட்டு உள்ளது.

ஒப்போ A17K அம்சங்கள்:

6.56 இன்ச் 1612x720 பிக்சல் HD+ டிஸ்ப்ளே

ஆக்டா கோர் மீடியாடெக் ஹீலியோ ஜி35 பிராசஸர்

IMG பவர் VR GE8320 GPU

3 ஜிபி ரேம்

64 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 12 மற்றும் கலர்ஒஎஸ் 12.1

8MP பிரைமரி கேமரா

5MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக், எப்எம் ரேடியோ

4ஜி வோல்ட்இ, வைபை, ப்ளூடூத்

யுஎஸ்பி டைப் சி போர்ட்

5000 எம்ஏஹெச் பேட்டரி

விலை மற்றும் விற்பனை விவரங்கள்:

புதிய ஒப்போ A17K ஸ்மார்ட்போன் நேவி புளூ மற்றும் கோல்டு நிறங்களில் என இரண்டு விதமான கிடைக்கிறது. இதன் விலை ரூ. 10 ஆயிரத்து 499 என நிர்ணயம் செய்யப்பட்டு உள்ளது. ஒப்போ A17K விற்பனை ஆன்லைன் வலைதளங்கள் மற்றும் ஆப்லைன் விற்பனை மையங்களில் ஏற்கனவே துவங்கி நடைபெற்று வருகிறது.