பாரதிய ஜனதா கட்சி சார்பில் வாக்காளர் விழிப்புணர்வு நிகழ்ச்சி

புதுச்சேரி:

பாரதிய ஜனதா கட்சியின் அனைத்து நிர்வாகிகளும், வீடு வீடாக சென்று வாக்காளர்களை நேரில் சந்தித்து, வாக்காளர் பட்டியலை சரிபார்த்து 18 வயது நிரம்பியவர்களையும், அந்தப் பகுதிக்கு புதிதாக குடியேறியவர்களையும் வாக்காளர் பட்டியலில் சேர்த்தும், இடம் பெயர்ந்தவர்கள் மற்றும் இறந்தவர்களின் பெயர்களை நீக்கும் பணிகளை மேற்கொள்ளு மாறு கட்சியின் தேசிய தலைமை, மற்றும் மாநில தலைமை அறிவுறுத்தி உள்ளது.

அந்த வகையில் அரியாங்குப்பம் சட்டமன்றத் தொகுதி பா.ஜனதா சார்பில் முருங்கபாக்கம் அரவிந்தர் நகர் பகுதியில் இந்நிகழ்ச்சி தொடங்கப்பட்டது.

நிகழ்ச்சிக்கு பாரதிய ஜனதா கட்சி அரியாங்குப்பம் தொகுதி தலைவர் செல்வகுமார் தலைமை வகித்தார். விவசாய அணி தேசிய செயற்குழு உறுப்பினர் பாரதிமோகன் முன்னிலை வகித்தார். பார்வையாளராக மாவட்ட செயலாளர் ராஜ் கலந்து கொண்டார் .

நிகழ்ச்சியில் மாநில பொதுக்குழு உறுப்பினர் செல்வராஜ், பொதுச் செயலாளர்கள் பிச்சைமுத்து, முருகவேல், தொகுதி துணை தலைவர் புகழேந்தி, கிளை தலைவர்கள் ராமமூர்த்தி, தியாகராஜன், மணி, வசந்தி, ஆனந்த் மற்றும் பலர் கலந்து கொண்டனர்.