புதுச்சேரி

முனியாண்டி விலாஸ் ஓட்டலாக மாற்றப்பட்ட புதுவை மதுக்கடை.

ரஜினி படப்பிடிப்பிற்காக ஓட்டலாக மாறிய மதுக்கடை

Published On 2023-06-08 08:24 GMT   |   Update On 2023-06-08 08:24 GMT
  • நடிகர் ரஜினிகாந்த் கவுரவ வேடத்தில் நடிக்கும் லால்சலாம் படப்பிடிப்பு புதுவையில் கடந்த சில தினங்களாக நடந்து வருகிறது.
  • இந்த படத்தை நடிகர் ரஜினிகாந்த் மகள் ஐஸ்வர்யா இயக்கி வருகிறார்.

புதுச்சேரி:

நடிகர் ரஜினிகாந்த் கவுரவ வேடத்தில் நடிக்கும் லால்சலாம் படப்பிடிப்பு புதுவையில் கடந்த சில தினங்களாக நடந்து வருகிறது.

இந்த படத்தை நடிகர் ரஜினிகாந்த் மகள் ஐஸ்வர்யா இயக்கி வருகிறார். புதுவையில் பிரசித்தி பெற்ற ரோடியர் மில்லில் நடந்த படப்பிடிப்பில் நடிகர் ரஜினிகாந்த் சில நாட்கள் பங்கேற்று நடித்தார். அதன்பிறகு தொடர்ந்து புதுவையில் படப்பிடிப்பு நடந்து வருகிறது.

படப்பிடிப்புக்காக புதுவை எல்லையம்மன் கோவில் வீதியில் உள்ள மதுக்கடை முனியாண்டி விலாசாக மாற்றப்பட்டுள்ளது.

இது கடலூர் மஞ்சகுப்பத்தில் இயங்கும் கடை போல விளம்பரம் வைக்கப்பட்டு காட்சிகள் படமாக்கப்பட்டு வருகிறது. இன்னும் ஒரு வாரத்துக்கு மேல் புதுவையில் படப்பிடிப்பு தொடரும் என படப்பிடிப்பு குழுவினர் தெரிவித்துள்ளனர்.

Tags:    

Similar News