வெளியீட்டிற்கு முன் இணையத்தில் கசிந்த ரெட்மி நோட் 5 டீசர்

பீஜிங்:

சியோமி நிறுவனத்தின் அதிகம் எதிர்பார்க்கப்படும் ரெட்மி நோட் 5 ஸ்மார்ட்போன் அதிகாரப்பூர்வமாக அறிமுகம் செய்யப்படும் முன் சீன வலைத்தளத்தில் பட்டியலிடப்பட்டுள்ளது.

சீனாவின் பிரபல JD.com வர்த்தக தளத்தில் சியோமி ரெட்மி நோட் 5 பட்டியலிடப்பட்டது. இதன் விலை சீனாவில் ¥8,888 அதாவது இந்திய மதிப்பில் ரூ.87,509 என நிர்ணயம் செய்யப்பட்டுள்ளது.

சீனா மட்டமின்றி இந்தியாவிலும் அதிகம் எதிர்பார்க்கப்படும் ஸ்மார்ட்போனாக ரெட்மி நோட் 5 இருக்கிறது. இந்தியாவில் சியோமி ரெட்மி நோட் 4 ஸ்மார்ட்போன் அதிகம் விற்பனையாகிறது. சமீபத்தில் வெளியான தகவல்களின் படி சியோமி நிறுவனம் இந்தியாவின் முன்னணி ஸ்மார்ட்போன் நிறுவனம் என்ற பெருமையை பெற்றது.



சியோமி ரெட்மி நோட் 5 ஸ்மார்ட்போனில் ஃபுல் வியூ டிஸ்ப்ளே, 2160x1080 பிக்சல் ரெசல்யூஷன் கொண்ட டிஸ்ப்ளே, டூயல் கேமரா செட்டப் உள்ளிட்டவை வழங்கப்படும் என எதிர்பார்க்கப்படுகிறது. முந்தைய மாடல்களில் வழங்கப்பட்ட 5.5 இன்ச் திரைக்கு பதில் புதிய ஸ்மார்ட்போனில் 5.9 இன்ச் டிஸ்ப்ளே வழங்கப்படும் என கூறப்படுகிறது.

இத்துடன் குவால்காம் ஸ்னாப்டிராகன் 630 ஆக்டா கோர் பிராசஸர், 4 ஜிபி / 6 ஜிபி ரேம், 64 ஜிபி இன்டெர்னல் மெமரி, 4000 எம்ஏஎச் பேட்டரி, டூயல் கேமரா செட்டப் (16 எம்பி + 5 எம்பி) மற்றும் சிறப்பான செல்ஃபி கேமரா வழங்கப்படும் என எதிர்பார்க்கப்படுகிறது.

இந்தியாவில் சியோமியின் ரெட்மி நோட் 4 ஸ்மார்ட்போன் அதிகம் விற்பனையாகும் மாடலாக இருக்கிறது. இத்துடன் சமீபத்தில் ரெட்மி வை 1 மற்றும் வை 1 லைட் ஸ்மார்ட்போன்கள் இந்தியாவில் அறிமுகம் செய்தது குறிப்பிடத்தக்கது.